"قال لى ياض يا رضا، أنت ممثل جامد قوى، فدى حاجة من الحاجات اللى أنا مش ناسيها له".. بهذه الكلمات حكى الفنان رضا حامد عن الزعيم عادل إمام والعمل معه فى مسرحية بودى جارد لمدة 9 سنوات ثم اختلف مع فرقة المسرح وتركهم.
وقال رضا حامد فى تصريحات تليفزيونية: "اللى جابنى الأستاذ عادل هو صاحب فضل إنى جيت المسرحية وحصل قبل كده لقاء مع الأستاذ أسامة كمال وذكرت أشياء أعتقد إنها اتفهمت غلط على السوشيال ميديا أنا ما قولتش حاجة غلط تجاه الأستاذ عادل".
تفاصيل الأزمة تعود لأكتوبر 2020 بعد نشر تصريحات صحفية على لسان رضا حامد عن طرد عادل إمام له من "بودى جارد" وصرح وقتها قائلا: "طبيعة شخصية عادل إمام إنه مش عاوز حد ينور أكتر منه ولازم أى حد معاه يكون نوره أقل عشان يحافظ على نجوميته"، موضحًا أنه اتخذ قرارًا مفاجئًا بطرده قبيل تسجيل المسرحية تليفزيونيًا.
رضا حامد من مواليد 1954 بدأ حياته الفنية فى الثمانينات وشارك فى عدد كبير من الأفلام أبرزها "أمير الظلام" و"صايع بحر" وآخر مشاركاته بمسلسل "الزوجة 18".
