وجهت الإعلامية رضوى الشربينى رسالة نارية لكل رجل خائن ومخادع وغدار فى بداية حلقتها من برنامجها "هى وبس" على قناة "cbc سفرة"، حيث قالت: "ليه لما بتنتهى الحكاية يتقال عليك خاين أو مخادع أو راجل غدار.. كل بنت انت بتدخل معاها فى علاقة أو بتديها كلمة أو بتديها أمانى وبعدين ما بتنفذش كلامك وتكتشف البنت إنك مخادع ده ذنبه عند ربنا كبير جرح قلوب البنات مش سهل".
وأكملت فى رسالتها للرجال: "اختاروا اللي تليق على حياتكم اختاروا اللي تليق على شخصيتكم .. في واحدة تقبل إنك تتجوز عليها واحدة تانيه لأ.. لو إنت من الرجالة اللى عاوزة تتجوز مثنى وثلاث اختار الست اللى تقبل ده ليه تختار ست مش قابلة ده !!".
وأضافت للرجل الخائن "لما بتعرف واحدة واتنين وتلاتة وخمسة على بعض فى نفس الوقت! هما مش بنى آدم زيك عندهم مشاعر وكرامه وكبرياء".
ووجهت للسيدات كلمة قائلة "الست أو البنت مسئولة اكتر من الراجل الخاين او المخادع في العلاقة كنتي فين وهو بيهمل فيكي ! لازم تتعلمي تقولي لأ ولازم لما تقولي لأ تبقى لأ".
"هى وبس" برنامج نسائي يقدم من خلاله محتوى مخصص للسيدات وكيفية العناية بمظهرهن، وأن يبدين قويات رغم العديد من الظروف الصعبة التي يمررن بها، كما تقدم خلال الحلقات العديد من الفقرات التي تحتوي على طرق اقتصادية لصنع مستحضرات التجميل الطبيعية وتستضيف خلال فقرات برنامجها العديد من المتخصصين والأطباء الذين يقدمون النصائح للأمهات للعناية بصحة أبنائهن، وكيفية التعامل الصحيح مع المشكلات التي يعانون منها.
تم أضافة تعليقك سوف يظهر بعد المراجعة