فتح الفنان محمد لطفى خزائن أسراره وكشف العديد من الكواليس لأول مرة عن حياته الشخصية، وقال خلال استضافته من برنامج "واحد من الناس" إنه كان محبا للرياضة منذ الطفولة وشارك فى العديد من مسابقات الجرى وكان يتدرب "بوكس" مع عمه.
وعن والده ووالدته فقال: "اتعلمت من أمى كل حاجة حلوة إزاى أكون حنين وملتزم فى حين كان والدى كل حاجة فى حياتى فهو من أبطال حرب 73 وحاصل على نجمة سيناء".
وعن دخوله الفن والتمثيل فقال: فيلم "كابوريا" أول الأفلام التى أشارك فيها وكان مع الراحل أحمد زكى والمخرج الكبير خيرى بشارة.
وكشف عن علاقته بأحمد زكى قائلا: "دوره كان ولا زال مهما جدًا ومؤثرا بحياتى عمرى ما حسيت إنه نجم على اللى حواليه".
وعن دوره فى مسلسل "كلبش" كشف أنه كان المرشح لدور أمين الشرطة بالجزء الأول لكنه اختار دور "السنى" معتبره بمثابة حالة صلح اجتماعى، وقال "قلت مش عايز كل شوية أعمل أدوار تخوف الناس".
وعن شخصيته بفيلم "كباريه" قال: "الشخصية الحقيقية اللى لعبت دورها صوتها كان كده بالظبط وابتديت أعمل تمارين
عشان أطلع الصوت بطبقه معينة مع أدوية ومضادات حيوية والدكاترة قالوا إن دى مخاطرة ودكتور قالى صوتك مش هيرجع تانى". وبعد انتهاء التصوير قال "كنت بقرأ قرآن كل يوم علشان صوتى يرجع تانى".
وعن المخرج الكبير خيرى بشارة قال: "أنا مدين له بكل حاجة اتحققت فى حياتى الفنية هو الأب الروحى ليا وكان دائماً مؤمن بيا".
تم أضافة تعليقك سوف يظهر بعد المراجعة