"زوجى مريض منذ فترة وعندنا طفلين وكان لازم أواصل الحياة وأربي ولادى، وقررت أشتغل علشان الشغل مش عيب لكن العيب أن احتاج وأمد إيدى للناس وأنا قادرة أشتغل وأصرف على بيتي واشتغلت كهربائية"، بتلك الكلمات بدأت نورا كما يلقبونها الأسطى أم فارس، تروى لنا تفاصيل حكايتها مع مهنة الرجال التى امتهنتها وهى كهربائي سرسيون.
وقالت أم فارس لـ"اليوم السابع": "أنا امتهنت مهنة الرجال اللي هى كهربائى منذ 3 سنوات، وذلك بعد مرض زوجى، وأصبحت مسئولة بمفردى عن البيت وأطفالنا الصغار، ففكرت أشتغل، وكان معظم الوظائف لا تناسب ظروفي في مواعيدها ودخلها علشان أقدر أصرف على البيت، فقررت أنزل أشتغل في نفس مهنة زوجي، وتعلمت منه الشغلانة وأصبح الجميع يطلقون علي لقب الأسطى".
وأضافت أم فارس، "الشغل مش عيب، وبنصح كل سيدة وفتاة أن تحقق حلمها وتسعي وراء رزقها، ما فيش فرق بين رجل وست كلنا بنسعي علي الرزق الحلال".
