شارك الفنانتان ملك وليلى زاهر فى فريق المتطوعين بالهلال الأحمر المصري لتجهيز المساعدات الطبية والغذائية لأهالى فلسطين، ونشرت ليلى زاهر مقطع فيديو عبر حسابها بموقع التواصل الاجتماعي إنستجرام مع شقيقتها ملك، ظهرتا خلاله ترتديان الملابس الرسمية لحملة الهلال الأحمر معلقًا على الفيديو: "إحنا مش بس بندعم القضية لأن القضية الفلسيطينية هي أصلاً قضيتنا كلنا، عشان كده النهاردة كنا في الهلال الأحمر المصرى كمتطوعين في تعبئة الطعام والمستلزمات الطبية لإخواننا في فلسطين".
وتابعت: "إحنا اخترنا الهلال الأحمر عشان هو اللي علي تواصل مباشرة مع الهلال الأحمر الفلسطيني وبيعرفوا ايه هي احتياجاتهم بضبط ويوفروها طبعًا عن طريق تبرعاتكم والحقيقة إن في معلومات كتير قوي ومهمة عن الهلال الأحمر مكناش نعرفها زي إنهم بقالهم 100 سنة أو أنهم عندهم أكتر من 30 ألف متطوع وهما دايمًا علي أهبة الاستعداد لأي مشكلة أو خطر في البلد أو خارج حدود البلد زي اللي بيحصل مع أخواتنا في غزة وهما حابين يوصلوا لكم من خلالنا إن هما فاتحين باب التبرع والتطوع في أى وقت فا ماتنسوش تتبرعوا بالي تقدروا عليه لمساعدة إخواتنا في غزة عشان دي أقل حاجة نقدر نقدمها لهم في الوقت ده وربنا يصبرهم وينصرهم".
وحرص عدد كبير من الفنانين على المشاركة فى فريق المتطوعين بالهلال الأحمر المصري لتجهيز المساعدات الطبية والغذائية لأهالى فلسطين، منهم ياسمين صبرى، زينة، أحمد العوضى، أسماء جلال، هنا الزاهد، دينا الشربينى، هدى المفتى، وعدد آخر من الفنانين الذين حثوا الكل على التبرع من أجل مساعدة الأشقاء فى فلسطين.
ليلى احمد زاهر
ملك وليلى احمد زاهر
ملك وليلى زاهر مع فريق متطوعى الهلال الاحمر
.jpeg "ملك وليلى احمد زاهر (2)")
ملك وليلى احمد زاهر
تم أضافة تعليقك سوف يظهر بعد المراجعة