"الضاحك الباكى".. ليس الفنان نجي ما نقصده بهذه الجملة إنما هو شاب مصري في مقتبل العمر يدعى محمود المصرى، أو كما يطلقون عليه صاحب الأصابع الذهبية في تشكيل ونحت العرائس، فأبدع منذ نعومة أظافره في تشكيل هذه المجسمات بل أنه وصل إلى العالمية ويقوم حاليا بتصدير عرائسه خارج مصر، فهو الشاب الضاحك الذى يرسم البسمة على وجوه الأطفال والباكى على فراق أمه.
تصميمات محمود المصرى
ويقول "محمود"، "فن العرائس فن راقى كتير مننا ميعرفش عنه حاجة وفن هادف لانه بيعلم الأطفال القيم والسلوكيات الحميدة، لان الطفل بيحب الشخصية اللى بيتفرج عليها وبالتالي بيتقبل منها اى سلوك او قيم بيتفرج عليها منها مثلا لو ساعدنا كبار السن بنشوف الأطفال اللى بتتفرج علينا بيتأثروا واهاليهم بتقولى فيما بعد أن أولادهم اتعلموا السلوك ده منه، والدليل على ارتباط الأطفال بالشخصيات الكرتونية محلات الأطفال بتحط صور أو مجسمات للشخصيات ديه على محلاتها علشان تجذب الطفل".
نحت العرائس على الإسفنج
ورشة محمود المصرى
عرض داخل الورشة لاحد العرائس بعد الانتهاء من تصميمها
وتابع، "انا بدأت الشغلانة ديه من وانا صغير جدا وحبيت المجال وعيشت الشخصية الكرتونية اللى كنت بلبسها وباخد في اليوم 3 جنيه، القصة مش في المبلغ البسيط اللى كنت باخده القصة انى حبيت الشخصية وحبيت ضحكة الأطفال فيها وفضلت على هذا الوضع فترة كبيرة لحد اما قررت اتعلم الشغلانة ونحت العروسة بنفسى من الألف إلى الياء واتحركت على الفور فى الاتجاه ده واتعلمت القص الأول وبعدها بدأت انحت".
عروسة سفنج بنظارة أثناء تجهيزها للتصدير
شخصيات كرتونية
وتابع، "لما نحت اول عروسة أصحاب العمل اللى كنت شغال عندهم حسوا بخطورتى الكامنة في شطارتى، لانى تفوقت على الجميع بشغل ايدى ووصلت للعالمية وده حسسهم بخطر من ناحيتى ومشونى، ولما مشيت سعيت على رزق ربنا وبدأت اول خطوة بمساعد امى الله يرحمها اللى فارقت الحياة وحسيت بعدها انى جسمى مات معاها".
محمود المصرى داخل ورشته مع عروسة من تصميمه
محمود المصرى مع احد الشخصيات الكرتوينة التى صممها
واستطرد، "قررت اواجه الحياة بعد موجه كورونا واشتغلت على موتوسيكل ولما الجو رجع تانى بعد ما فتحوا الحفلات رجعت تانى اصنع عرائس وابيعها ووصلت للحمد الحمد لمستوى احترافى لدرجة انى بصدر للدول العربية دلوقتى واسمى معروف في السوق وكمان اسمى اتردد كتير في مونديال قطر لما عملت عروسة تميمة المونديال وحطوها في اكتر من شارع في دولة قطر ".
شخصيات كرتونية رمضانية
