الرئيس السيسي: مساحة سيناء 60 ألف كيلو ودى نفس المساحة اللى إحنا عايشين عليها
الرئيس السيسي: سيناء لم تشهد تنمية سابقا بسبب ارتفاع التكلفة
الرئيس السيسي: "شغالين على برنامج كبير وهو تحلية المياه فى المدن الساحلية"
الرئيس السيسي لأهالى سيناء: "هنقول لكم متشكرين بالاهتمام والعمل"
الرئيس السيسي يكرم نماذج ناجحة من أبناء سيناء
الرئيس السيسى يشاهد فيلما تسجيليا بعنوان "نبض وطن" فى الإسماعيلية
الرئيس السيسي: "ما بقاش فيه عذر إن مؤسسات الدولة تبقى موجودة بكثافة فى سيناء"
الرئيس السيسي يطالب بالوقوف دقيقة حداد وتقدير واحترام لأرواح الشهداء
الرئيس السيسي: الأولوية فى تنمية سيناء للشركات السيناوية اشتغلوا معانا فى ظروف صعبة
الرئيس السيسي: تجهيز 600 ألف فدان للزراعة فى سيناء مع نهاية العام الجارى
وجه الرئيس عبد الفتاح السيسي، الشكر لبعض رؤساء الشركات المنفذة لبعض الأعمال والمشروعات في سيناء، خلال متابعته خطة الدولة لتنمية وإعمار سيناء، بمدينة الإسماعيلية، قائلا: "أنا بشكركم إنكم بتشتغلوا في ظروف صعبة، ولو قلنا لبعضكم أتكلم عن الحوادث والعواقب اللي حصلت، كتير، اللي اتخطف قريبه واللي اتحرقت له معدات وحذر من عدم استكمال المشروعات".
أضاف الرئيس السيسي، أن الإرهاب كان يعوق حياة الناس وليس التنمية فقط، متابعا: "بعد ما ربنا سبحانه وتعالى وفقنا والإرهاب اللي كان موجود وكان يعيق حياة الناس، لأن لو مفيش أمان، الناس مش هتعرف تعيش حتى لو عايشه، والحمد لله اللي تحقق بفضل الله والجيش والشرطة وأبناء سيناء".
وتحدث الرئيس عبد الفتاح السيسي، عن التنمية في سيناء، قائلا: "ليا مطلب للشركات اللى شغالة في ملف التنمية في سيناء.. سيناء مساحتها 60 ألف كليو متر.. وإحنا في مصر عايشين تقريبا على 60 ألف كيلو تقريبا".
وأضاف الرئيس السيسي: "وده مهم أوي لأهالينا في سيناء.. مصر كلها 60 ألف كليو تقريبا ونحاول نزودها 12 % بالمدن الجديدة.. وسيناء لوحدها 60 ألف كيلو تقريبا".
وقال الرئيس عبد الفتاح السيسي، إن الدولة المصرية لم تنفذ مشروعات للتنمية والتعمير في سيناء بسبب ارتفاع التكلفة، قائلا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء".
وأضاف الرئيس السيسي: "التكلفة للتنمية في سيناء عالية وده اللى أعاق التنمية خلال الفترة اللى فاتت.. نشكل للناس اللى بتسمعنا ونشكل فهما ووعيا".
وتساءل الرئيس عبد الفتاح السيسي، عن الحرب على الإرهاب، قائلا: "هل حرب الإرهاب خلصت؟.. ما لغاية دلوقتي حجمن من الشائعات والاكاذيب والافتراءات غير طبيعي.. اخرهم قناة السويس.. كلام يعني أن المصريين منتبهين لده ومش هيصدقوا".
وأضاف الرئيس السيسي: "اتقال اننا بنفكر نبيع قناة السويس وفيه عرض.. عملولي وجمعوا كلامي ده وعملوا فيلم وإن الكلام ده قولتوا.. وقالك بتريليون دولار.. الموضوع عاوز تريليون دولار.. هنبيع القناة.. بغض النظر عن ده والأرقام".
أكد الرئيس عبد الفتاح السيسي، أن هناك محاولات من أجل عرقلة جهود المصرية، قائلا: "محاولة عرقلة المصريين مستمرة وهتستمر وبالتالي مش هقول الوعى لأنه موجود عند كل قطاعات الشعب المصرى.. ولو الوعى ده مش موجود مكنتش الناس استحملت معانا الظروف الصعبة والأسعار الغالية اللى بتمر بها مصر بقالها أكثر من سنة دلوقتى.. وبعترف بده ده واقع احنا مش سببه صحيح.. فيه عبء كبير فى كل أسرة كل مواطن مصرى نتيجة التكلفة العالية بنعيش بيها".
كشف الرئيس عبدالفتاح السيسي، أن تكلفة تنمية سيناء خلال السنوات الماضية 40 – 50 مليار جنيه، معلقا: "حبيت أقولكم اللى انتوا عملتوه السنين اللى فاتت كان ممكن ميتعملش ويتأجل.. الرقم اللى اتكلف في سيناء من 40 إلى 50 مليار دولار، لو بيتعمل دلوقتى هيتكلف ضعف الرقم ده، والوقت اللى محتاجينه للتنفيذ هيتضاعف".
وجه الرئيس السيسي، حديثه للنماذج المشرفة للشركات العاملة من أبناء سيناء: "بتعمل بقالك كتير محطات تحلية مياه وحجم المكون المحلى عندكم قد إيه.. علشان تزودوا حجم الصناعة المحلية.. خطتنا فى الميه إن كل المدن الساحلية هتبقا ميه تحلية وده برنامج كبير مبينتهيش بإنشاء المحطة.. عاوزين الكلام ده بيتعمل.. يشغل ناس فى مصر ويوفر عملة حرة بنشترى بيها الخامات وقطع الغيار".
قال الرئيس عبدالفتاح السيسى، إنه وبعد التضحة التى قدمها أهالى سيناء سنقول لهم "متشكرين بالكلام.. لا"، مضيفا: " اللى فات كوم واللى جاى كوم تانى، اوعوا تفتكروا أن بعد التضخية اللى قدمه أهالى سيناء إحنا هنقول لهم متشكرين بالكلام ؟.. لا.. بالاهتمام والعمل واللى هيقوم بالكلام ده أهالى وأبناء سيناء..اوعوا تفتكروا أن إحنا هنرضا بالموجود قبل كده مش هيحصل".
أضاف الرئيس السيسى: "أكتر ناس تعرف المعاناة مش انتم فقط كمقاولين بس نتيجة الإرهاب ولكن إجراءات الدولة للتأمين.. حركة من الغرب للشرق والعكس.. كان فيها إعاقة كبيرة حتى الأسمدة كنا بندخلها بحساب نتيجة انها ممكن تستخدم فى حاجة تانية".
كرم الرئيس عبد الفتاح السيسي، عددًا من المتميزين من أبناء سيناء، وذلك على هامش متابعة خطة الدولة لتنمية وإعمار سيناء.
وكرم الرئيس السيسي، إسراء أمين حمدي، والتي تعمل بمكتب خدمة المواطنين بمستشفى العريش العام، وهي تعرضت لحادث تفجير عبوة ناسفة واستكملت عملها لتصاب بعدها مرة أخرى بعدة سنوات بطلق ناري في ذراعها من العناصر الإرهابية أثناء عملها في تسهيل إجراءات المواطنين، كما كرم خليل حماد سلام، يعمل بقطاع كهرباء الشيخ زويد، ورغم الظروف العصيبة وعمليات التخريب المستمرة من قبل الإرهابيين، واصل العمل وأصر على توصيل الكهرباء بجميع قرى الشيخ زويد والعريش بكفاءة كبيرة.
وشهدت الاحتفالية، تكريم شربات صبحي فرج، مدير دار رعاية الأيتام بالعريش، ولم تنسى دورها كمربية للأجيال وبعد وصولها إلى سن المعاش واصلت الدور في تأهيل الفتيات نفسيا، ممن فقدن أهلن ومررن بظروف صعبة من أجل إعادة دمجهن في المجتمع لتصير عناصر فاعلة.
وكرم الرئيس السيسي، الدكتور أحمد منصور عبد الفتاح حسين، مدير مستشفى العريش العام، لدوره في تقديم الخدمة الطبية على الوجه الأكمل واستقبال المصابين جراء العمليات الإرهابية من مدنيين وعسكريين وذلك في خضم العمليات الإرهابية، كما شهد التكريم، تكريم وسام عبد الهادي حمدان، مديرة مدرسة عمرو بن العاص الابتدائية، لتميزها في إدارة المدرسة والنهوض بالمستوى التعليمي في ظل صعوبة الظروف الأمنية في سيناء.
وكرم الرئيس، الدكتور تامر حمدي أحمد، مدير مستشفى بئر العبد النموذجي، لدوره في تطوير مستشفى بئر العبد واستقبال وعلاج المصابين رغم تعرضه للتهديد بالقتل من قبل العناصر التكفيرية.
وشاهد الرئيس عبد الفتاح السيسي فيلما تسجيليا بعنوان "نبض وطن" على هامش تفقده المعدات المشاركة في تنفيذ خطة الدولة لتنمية وإعمار سيناء بمدينة الإسماعيلية.
قدم الرئيس عبدالفتاح السيسي الشكر لأهالي سيناء، قائلا: "سعيد بكم وبأشكركم وبأشكر كل أهالي سيناء، وبأقول للأسر اللي ضحت وعانوا وخسروا أبناء نتيجة العمليات اللى حصلت، عزاؤنا إن كان التمن هو تمن تنقية التخلص من آفة موجودة.. صدقوني كان الهدف منها إنها تفقد الدولة المصرية هذا الجزء العزيز من أرضنا لأن إحنا النهارده الجيش الشرطة مش قادرة تتحرك والشركات، بدليل لما كنت تيجي تعمل طريق أو مشروع هل كانوا بيسيبوكم تعملوا ده؟.طيب اللى كان بيتعمل ده ما كنش بيتعمل لينا إحنا كان بيتعمل للناس".
أضاف الرئيس السيسي: "الفترة اللى جاية هنتحرك بخطة كبيرة قوي .. محتاجين نحسس أهالينا في سيناء إن الدولة المصرية بتشتغل بهمة لأن ما بقاش فيه عذر بقى لا لينا ولا ليكم ولا للدولة ولا مؤسساتها ما بقاش فيه عذر إن الشرطة تبقى موجودة وبكثافة أكبر من اللى كانت موجودة قبل كده، لتحقيق الأمن والاستقرار، أجهزة الدولة كلها بالكامل تعليم وصحة وغيره مطلوب تبقى موجودة بكثافة أعلى مما كانت عليه لأن الإعاقة اللى كانت موجودة قبل كده نتيجة الإرهاب والعمليات اللى بتتم، ده إحنا المحكمة نقلناها الإسماعيلية ربنا يرحم الجميع.
واختتم الرئيس قوله: "إحنا واحد ما يصحش أقول أهالي سيناء إحنا واحد .. مصريين ودي بلدنا وأرضنا نخلى بالنا منها ونموت علشانها".
طالب الرئيس عبد الفتاح السيسى من المشاركين فى حفل تفقد اصطفاف المعدات المشاركة فى تنمية وإعمار سيناء، بالوقوف دقيقة حداد لأرواح الشهداء.
وقال الرئيس عبد الفتاح السيسي: "اسمحوا قبل ما نقعد.. فى يوم زى ده.. يوم عظيم.. نقف دقيقة حداد وأيضا تقدير واحترام لأرواح الشهداء.. كل الشهداء.. شهداء مصر من الجيش والشرطة والقضاء من أبناء سيناء.. كل اللى ضحوا من أجل أن ننقف النهاردة الوقفة دى علشان نقول بداية جديدة لأرضنا اللى كادت تفقد مننا.. اسمحوا أننا نقف دقيقة".
وجه الرئيس عبدالفتاح السيسى، بأن تكون الأولوية فى تنمية سيناء للشركات السيناوية قائلا: " بقول للقيادة العامة والهيئة الهندسية الأولى بالعمل معانا طبعا كل شركات المقاولات فى مصر لكن الأولى شركات أبناء سيناء على أساس انهم اشتغلوا معانا فى ظروف اصعب كتير وكانوا موجودين صحيح المعدلات مكنتش زى ما بنحلم لكن كان طبيعة الظرف هو اللى فارض علينا..هما الأولى فى كل الأعمال الموجودة وارجو نعوض كل اللى احنا بنتمناها ونخلصه فى اسرع وقت ممكن خلال فترة زمنية قليلة وان شاء الله نطمن الأول من ازالة العبوات الناسفة والمتفجرات اللى كانت موجودة فى حتت كتير اللى يخلص نخش ونكمل شغلنا".
أضاف الرئيس السيسى: "عاوز أقول للواء محمد..وقائد الجيش ورئيس الهيئة الهندسية مهم قوى إزالة العبوات الناسفة مش عاوزين نخسر حد تانى.. مش عارف تاخدوا تمام شهر ولا شهرين تخلصوا بيها مهمة الإزالة بالكامل بنسبة 100 % علشان بس مفيش حاجة تحصل".
أكد الرئيس عبد الفتاح السيسى، أنه من المقرر تجهيز 600 ألف فدان للزراعة فى سيناء مع نهاية العام الجارى، فى إطار خطة تنمية وإعمار سيناء، متابعا: "اتعرض علينا خطة للتنمية فى سيناء بمشاركة هيئة المجتمعات ووزارة الإسكان ووزارة الرى ووزارة الزراعة.. تخطيط يعنى بقوله لكل المصريين.. مش تخطيط متواضع".
وأضاف الرئيس السيسى: "لما الدكتور مصطفى مدبولى بيقول 600- 700 ألف فدان فى سيناء.. نتمنى على أخر السنة دى تكون المياه موجودة سواء من محطة المحسمة أو بحر محطة البقر.. والخط الناقل نخلصه فى أسرع وقت.. كمية أراضى تدخل الإنتاج على نهاية السنة دي.. بتكلم عن سيناء.. مش بتكلم عن توشكى ولا وادى النطرون.. بنتكلم عن 600 ألف قديم وحديث".
وأكد الرئيس عبد الفتاح السيسي، أن الدولة المصرية تنفذ خطة قوية للتنمية في سيناء، قائلا: "التنمية والخطة مش متواضعة لما بنتكلم عن المسافة من العريش لكن حاجة تليق أولا بأنباء سيناء وتليق بمصر.. سواء مشاريع في العريش.. وده مهم .. الناس مستغربة من توسيع الميناء في العريش.. والظهير الخلفي فيه مساكن وتعوض وتخلي.. بنعمل ميناء عالمي .. ارجو ان الناس تسمعنا أبنائنا وأهالينا".
وأضاف الرئيس السيسي: "بنحط ميناء العريش على خريطة موانئ مصر.. ميناء عملاقة.. يقدر يطلع كل المنتجات.. منتجات زراعية وتعدين.. والكلام ده مش معمول.. بنتكلم عن خطة ممتدة لـ 10 – 20 سنة من التنمية والتطوير في سيناء.. بشكركم.. وارجو أنكم تنتبهوا لأمن وسلامة الناس".
طالب الرئيس عبد الفتاح السيسي، من كافة أجهزة الدولة المصرية الحذر والحرص في التعامل مع الوضع في سيناء، قائلا: "الحذر والحرص مستمر من كل الأجهزة.. لا تغمض عين أو جفن.. اوعوا تطمأنوا.. دايما عنينا منتبهة لكل حاجة.. ومعانا أبناء سيناء.. ومش تسكتوا على حد.. ولما مش قدرنا نعمل قبل كده في الفترة من 2006 إلى 2010.. والنهاردة خلي بالكم.. احنا مش هنضيعه.. بالعكس.. هنشوف حل ونعاجله ونفهمه.. مش نسكت ابدا".
وأضاف الرئيس السيسي: "قعدنا 10 سنين مش عاوزين ننسي.. مش عاوزين ننسي الأيام المؤلمة اللى كانت تمر مننا.. واسف اني بقولها في يوم جميل.. مهم نكون ننتبه ونخي بالنا أكثر.. وعلشان ميتكررش.. لا هنا ولا أي حتة في مصر.
وتابع الرئيس السيسي: "التواصل مع شيوخ القبائل ثقافة.. ثقافة للقوات مع الأهالي في سيناء.. والمنطقة الغربية والجنوبية.. التواصل مع الأهالي والشيوخ ثقافة مطلوب تتنفذ على أعلي مستوي.. بتمني لكم التوفيق ولسه قدامنا كتير".
تم أضافة تعليقك سوف يظهر بعد المراجعة