عمليات الولادة من أكثر المواقف المرعبة في حياة الأم الجديدة، ولكن أحيانًا المواقف الصعبة لا تخلو من المواقف المحرجة والكوميدية التي يمكن نسيانها لذا قررنا طرح السؤال على البنات لمعرفة المواقف الأكثر إحراجًا التي تعرضت لها خلال الولادة.
مواقف محرجة عند الولادة
كنت بقول لكل الناس بحبك
قالت سمر حسين: "أنا خرجت من العمليات بعد البنج بقول لكل الناس بحبك أي شخص اتقابل معه أقوله بحبك".
فيما أضافت بسنت محمد: "أول لما فقت من البنج زوجي كان جانبي قومت سألته عن الساعة راح قالي ليه وراكي مشوار وقتها انكسفت ومعرفة ليه كنت بسأله عن الساعة بجد".
أما فاطمة شلبي فقالت: "في الحقيقي مفيش إحراج أكبر من لمة الناس حقيقي كانت أكتر حاجة مسببة إحراج لكن أنا كنت في البنج والله أعلم حصل إيه بس هو اكيد كوارث".
وأضافت عفاف الشيمي: "شتمت الدكتور والممرضة وقولتله كلام كتير جدًا والممرضة كانت حامل في الشهر التاسع وقتها خبطها برجلي وبعد فترة عرفت أنها توفيت ولكن بكورنا قعدت فترة ابكي عليها وعلى الموقف بالرغم أني كنت في البنج".
رجل بنتي حلوة
وتحكي علا: "بعد ما قفل الجرح سألت الدكتور رجل بنتي حلوة يا دكتور راح ضحك وقال لي اشمعنى رجلها يعني".
بدافع عن الزمالك
وتقول ماجدة: "وقتها كان في ماتش للزمالك لاقيت الممرض بيتريق على الزمالك قومت شتمته وبهدلت الدنيا معرفش عملت كدا ليه"، وتقول نسرين طارق: "اليوم كله كان مرعب وكنت شغاله عياط وكل ما حد يدعيلي اعيط ودخلت للدكتور أقوله مش عايزة أولد النهادرة".
المواقف المحرجة في عمليات الولادة
مواقف محرجة في الولادة
