التقى الإعلامي عمرو الليثي، بسيدة مسنة تبيع ألعاب للأطفال في الشارع تسمى "زمزم"، وقالت عن حكايتها: "أحب أساعد نفسي بنفسي، وعندي 50 سنة، ولم أتزوج وأعاني من مرض شلل الأطفال منذ الصغر، وأعيش مع أخي".
وتابعت الحاجة زمزم: "بصرف على نفسي، والألعاب يوم أبيع ويوم لا، وفكرت أنزل أبيع في الشارع لأن كل واحد مشغول بحياته وبيته، وأنا مسئوليتي أكتر وأنا تقيله عليهم شوية، واخواتي كلهم على قدهم، وقررت أصرف على نفسي علشان نفسيتي عزيزة".
وأكملت: "ديما بدعي ربنا يسترني وما أتحوجش لحد أبدا علشان الحوجه وحشة، وأنا بحمد ربنا ليل ونهار ولازم كل الناس يكون عندها يقين بالله وماحدش يشيل هم شيء علشان ربنا موجود".
وأهدى الإعلامي عمرو الليثي، السيدة "زمزم" مبلغ مالي قدره 8000 جنيه، الأمر الذي أدخل السعادة على قلب السيدة كثيرا.
