أكد الفنان خالد الصاوي، أنه حينما أصيب بالانزلاق الغضروفي في عام 2013 كان له بوادر قبلها بعامين وكان يتحمل الألم ويتعامل مع المرض بجنون، قائلا: "كنت بقعد أقول لنفسي أني معجزتش وكانت نظرية غريبة لو جالي وجع اتحداه ولما تعبني قوي عملت عملية".
وأضاف خالد الصاوي، خلال حواره ببرنامج "انا والقناع"، المذاع على قناة الحياة، أنه خاض عملية جميلة وناجحة وعاد لعمله وبعد 9 سنوات عاد التعب مجددا السنة اللي فاتت، ومن كتر ما أنا مضايق وقلت لو فتحت جراحة تاني فبقى الالم شديد وكنت بتحدى نفسي والوجع زاد لدرجة أني كان هيغمى عليا".
واستكمل: "فكرة أنى هخش تاني واعمل عملية جراحية موصلتش للمرحلة دي وبقول لنفسي أنا ممثل لازم اشتغل على أيد ورجل وعين وأنا مزعج حتى للي بيعالجني ورحت عملت علاج طبيعي ومش قادر استحمل".
وتابع: "فكرة أن السوق كله يعرف أني في حالة مش كويسة ممكن كنت أقعد في اليت وبيجيلى الهاجس ده كده وممكن اقعد في البيت وعندي كوابيس متكررة وأهم كابوس دلوقتي أني اكون على خشبة المسرح ومش جاهز".
