قال الفنان حاتم صلاح عن دوره فى مسلسل الصفارة، إنه كان قلقا عندما كلمه الأستاذ أحمد أمين، لأن الدور المفروض شرير و بيضحك فى نفس الوقت.
وأضاف خلال حلوله ضيفا ببرنامج واحد من الناس، مع الإعلامي د. عمرو الليثي على شاشة الحياة: أصبت بدور حساسية على الصدر قبل المسلسل بيومين، وكلمتهم اعتذز، قالوا لى لا، روح لدكتور، والدكتور قال لى لازم راحة ١٤ يوما على الأقل، وكلمت الأستاذ أحمد أمين، قال لى "هاخدك معايا حتى لو بتطلع بضهرك"، و ده طمنى جداً لان كانت الكحة شديدة.
و تابع حاتم: من احلى المشاهد اللى عملتها فى مسلسل الصفارة و بضحك عليها جدا، مشهد تاجر الآثار، و مشهدى انا و طه فى صالة البلياردو برضوا من المشاهد اللى بحبها .
وذكر حاتم: كان هناك خروج عن النص فى الصفارة بس مش زى الكبير اوى، وكنا بنغير اللازمه كل حلقة .
و اشار حاتم الى انه لم يتزوج بسبب الفن، وأنه أجل مشروع الزواح حتى يقف على أرض ثابتة فى الفن، وأوضح: انا لفيت على مكاتب الكاستنج كتير، و اشتغلت فى الاول فى شركة تامين و شركة شحن جوى و بحرى و شركة سيلز و شغلانات صعبه كتير ، و انا بدأت من تحت ، و انا شوفت حاجة للاستاذ نور الشريف بيقول انه انتح لمخرجين صغيرين زى محمد خان و دواد عبد السيد علشان يختصر ليهم وقت و بقوا مخرجين كبار و الاستاذ احمد الجندى و احمد مكى عمل معانا كده و طلعوا جيل جديد .
تم أضافة تعليقك سوف يظهر بعد المراجعة