ناقشت الزميلة الصحفية سما سعيد، الصحفية بجريدة "اليوم السابع"، الفروقات بين طرق التربية المتبعة من قبل أولياء الأمور مع أولادهم قديما وبين الطرق المتبعة حديثا وفقا لتطور مجتمعنا.
وعلقت "سما" على طريقة التعامل مع ابنتها فى مرحلة المراهقة، قائلة: "لما بيتجى تطلب منى حاجة بيبقى ليها سكة كدة فى ببقى عارفة إنها بتكدب.. ولما كنت فى وقتها منعرفش نحور جامد.. ولكن بنتى فى مرحلة الابتدائى بيعرفوا يحوروا موت، ومينفعش تخرج يومين ورا بعض وتخرج يوم واحد فى يوم مناسبة".
وقالت خلال حوارها مع الفنان أحمد آدم عبر برنامجه آدم شو المذاع على قناة الحياة: "لازم يكون هناك ميكس بين التربية القديمة والحديثة ولازم نلتزم بالتربية على الدين والعقائد والمجتمع الشرقى اللى احنا فيه.. وبصاحبها وبعرف كل أصحابها عشان لو فى أى وقت طلبت أصحابها يرد عليا عشان اعرف واطمن عليها".
وقالت الطالبة مريم أحمد ابنه سما سعيد: "والدتى بتعرفنى لما بتكلم فى أى طلب.. ولما كنت صغيرة كنت باخد فلوس الدرس وحاليا كبرت ومبعملش كدة وباخد الفلوس بشترى بيها حاجات".
وتناول النجم الكوميدي أحمد آدم حياة المراهق فى المنزل، والتغيرات التى تحدث له عند مرحلة البلوغ، بطريقة ساخرة: "الواد يصحى من النوم ينادي على ماما وصوته متغير وضخم ووالدته تفتكره حرامى وتطلع من البلكونة تقول حرامي ويقول له الواد أنا يا ماما عاوز أفطر جعان، تقول له ما تطلع الجبنة من التلاجة وكل ويرد يا ماما انتى بتضربينى لما افتح التلاجة".
وسخر أحمد آدم من كلمة حسن شاكوش "عبستك ازاى وأنتى مش بستاني"، مضيفا: "التريند زمان كان بيعيش 4 سنين لبست بلوفر عمرو دياب في تملي معاك صيف وشتاء".
وسخر أحمد آدم من نقاش حاد بين بودي وحول أشتراك الجيم 1500 جنيه وأبويا مش عايزني أروح الجيم أعمل فورمة، وبودي خرج آدم على مزاجه كله موجود في الخبيني عبستك إزاى وأنت بسطتني".
ويتناول "آدم شو" فى إطار كوميدى ساخر، بعض الظواهر والسلوكيات المجتمعية فى حياتنا، كما يرصد "آدم" بطريقة ساخرة، أهم الأحداث التى تفاعل معها الناس على السوشيال ميديا سواء محليا أو عالميا، فضلا عن تقديمه لقوالب كوميدية جديدة يحاكى فيها ما يحدث فى العالم.
تم أضافة تعليقك سوف يظهر بعد المراجعة