قال الفنان علاء زينهم، إننى ذهبت للمخرج حسن عبد السلام علشان يشغل واحد صاحبى اسمه عربى وانا مروح انا وهو وعادل إمام كان بيعمل بروفات فى مسرح "ليسيه الحرية"، قولت لصديقي يا سلام ربنا يكرمنا ونشتغل مع الأستاذ عادل إمام، وبالفعل لاقيت واحد صاحبى بيقولى تعالى بكره تعمل مقابلة مع الأستاذ عادل إمام علشان تشتغل معاه فى مسرحية الزعيم.
وأضاف "زينهم" خلال لقائه مع الإعلامى دكتور عمرو الليثى بيرنامجه "واحد من الناس" على شاشة "الحياة"، أنا افتكرته بيهزر لحد ما روحت وفعلا قابلت الزعيم عادل إمام و قعد يهزر معايا وطبطب على كتفى وكنت ماسك كوبايه شاى بتغلى لم أحس بسخونتها وانا بكلمه، وكنت بخرج على النص معاه وكان بيضحك ويثبت الإفيه فى المسرحية.
وقال: من كواليس العمل بمسرحية الزعيم أن هناك مشهدا كان المفروض البنطلون بيسقط ولكنه لم يسقط ووجدت الجمهور يضحك فطلب مني الزعيم أن أقدم ذلك المشهد يوميا بهذه الطريقة، متابعا بأن العمل مع النجم عادل إمام هو متعة وقيمة كبيرة وهو الأفضل بالتأكيد وحلم كل فنان العمل معه.
تم أضافة تعليقك سوف يظهر بعد المراجعة