فاجأت الفنانة نرمين الفقى فريق عمل برنامج الستات ما يعرفوش يكدبوا باتصال هاتفى في فقرة يرد فيها الفنان نور محمود على أسئلة واستفسارات المشاهدين .
وقالت الفنانة نرمين الفقى: أنا اشتغلت مع نور في مسلسل أبو العروسة الجزء الثالث، عملتله ألف حساب، وهو محترم ليس فقط على الصعيد الإنسانى بل الفني والمهنى، واللى بيعمله في البروفة هو اللى بيمثله، وهو في حد ذاته احترام للمهنة واحترام للزميل الذى أمامه .
وتابعت: أنا غيرت أدائى بناء على أداء نور وكان مشهد طلع رائع وقولتله نور أنت عملت المشهد رائع، وأنا غيرت أدائى لما شوفت أداءك بهذه الطريقة وهو صديق محترم، وأنا بحب أسرته كثير جدا وهو بيشتغل السهل الممتنع وبيشتغل على أداؤه ليتقمص الأدوار ومفيش دور بيعمله إلا وبيكون رائع ودوره في أبو العروسة ليس دور سهل ابدا وبيعرف يلعب بالعين، وتعبيرات الوجه والموهبة دى من عند ربنا سبحانه وتعالى ونور موهوب جدا، واتبسطت جدا بالشغل معاه، وأكثر حاجة ريحتنى أن اللى بنعمله في البروفة هو اللى بيطلع على الشاشة.
وأكدت أن الفنان عادل إمام قامة كبيرة جدا، وهو الذى أسس للدراما المصرية وعلم الناس اللهجة المصرية .
تم أضافة تعليقك سوف يظهر بعد المراجعة