قالت الفنانة حورية فرغلى: من 15 سنة شيلت 7 أورام من الرحم والدكتور أعطانى فرصة للزواج خلال 10 سنوات ولكن الفن أخدنى ولم أرتبط، وأنا لسه راجعة من أبو ظبى وروحت أزور حد فى المستشفى وفوجئت بدم كثير ودخلت للدكتور يكشف عليا ولقيت الدكتور بيقوللى بكرة إنتى لازم عمليات، ووالدى قعد يقولى الموضوع سهل خالص، أورام هنشيلها بالمنظار، ولكن الوضع غير كده خالص، عندى 9 أورام فى الرحم وكان لازم يشيل الرحم بالكامل.
وأضافت خلال مداخلة بحلقة اليوم من برنامج مساء دى إم سى مع الإعلامية إيمان الحصرى: كان نفسى أخلف لكن الحمد لله أنا لسه واقفة على رجلى والحمد لله هرجع للفن تانى وبقول للناس اللى بتدعيلى لو كنت كويسة ده بسبب دعاكم، الدكتور شال كل حاجة.
وتابعت: انا زى الفل الحمد لله وخرجت من المستشفى أول أمس وبقيت أمشى الحمد لله وان شاء الله الاخبار والمداخلات القادمة تكون عن الاعمال، انا ووالدتى كنا فى المستشفى محدش فكر أصلا ييجى يزورنى وأكيد ووكيل اعمالى هو اعلن الخبر وكنت انتظر اى حد اعرفه ييجى يزورنى لكن الحب والحنية مش بتتشحت ووالدتى بالنسبالى هى الدنيا كلها.
تم أضافة تعليقك سوف يظهر بعد المراجعة