قال الرئيس عبد الفتاح السيسي خلال زيارته لقرية سدس الإمراء بمحافظة بنى سويف، إن كل دولار يزيد في سعر برميل البترول تكلفته علينا بالمليارات سنويا، وموضوع الكهرباء وبمنتهى الصراحة عندنا محطات كهرباء تقدر تطلع الكهرباء التي نحتاجها وزيادة لكن عاملين موازنة اللى تقدر توفر الغاز كانت الموازنة 65 دولار للبرميل لكن لما يزيد ويبقى 70 و80 و90 إحنا بنقول إن الأزمة لها انعكاس على حاجات كثيرة.
وأضاف الرئيس السيسي: ومن فضل ربنا إننا بننتج غاز لولا ذلك لكانت المشكلة كبيرة جدا، ولما أكون عامل موازنة أن برميل البترول بـ65 لكن لما يبقى بـ80 ولا 90 ، عندنا في مصر 10 ملايين سيارة، ومطلوب أن كل مواطن يدخل المحطة يلاقى احتياجاته.
وتابع الرئيس عبد الفتاح السيسي خلال زيارته لقرية سدس الأمراء بمحافظة بنى سويف: إحنا في مصر عددنا 110 ملايين وعندنا ضيوف 10 ملايين، وبفضل الله مستوعبينهم في مصر، وعلى المستوى الشخصى حاسس إن ربنا ساترها علينا.
وأضاف الرئيس السيسي: أرجوا إنكم تقبلوا شرحى للظروف، واشكركم على الصبر، والتحمل وبقول يارب يعينا كلنا، إحنا مش بنعمل حاجة وحشة لمصر في كل قراراتها وسياساتها، إحنا مش بنؤذى حد، وبنحاول نكون عمل خير في كل حاجة وشكرا جزيلا.
وقال الرئيس عبد الفتاح السيسي، خلال زيارته لقرية سدس الأمراء بمحافظة بنى سويف، إن شعب مصر العظيم ستظل مصرنا نقطة التلاقى التي تجمع المصريين في حبها وهى سر قوتنا ووحدتنا هي ضامن بقائنا وأمالنا في وطن يليق بعراقته وإشراقة مستقبله، وستبقى مصر إن شاء الله هي مبتدأ الأمر وخبره، وبنا جميعا إن شاء الله، تحيا مصر تحيا مصر تحيا مصر.
وتابع الرئيس عبد الفتاح السيسي، إن الدولة تسعي إلى زيادة الأراضي الزراعية، متابعا: "بنتكلم عن 3 -4 ملايين فدان أراضي زراعية في سنتين تلاتة.. غير الريف المصري مليون ونصف فدان.. وشغالين على كده.. أراضي زراعية أخري لتوفير فرص عمل لشبابنا".
وأضاف الرئيس السيسي، خلال لقاء مع أهالي بني سويف: "لما بنتكلم عن 3 ملايين فدان.. لو كل فدان هياخد نص فرد.. كل فدان بيوفر فرصة عمل لـ 2 مواطن.. مليون ونص إنسان.. نوفر لهم فرص عمل.. ثم أنه يكون فيه إنتاج من هذه الأراضي خفف من فاتورة الاستيراد.. بنستورد بالدولار.. لكن تباع بالجنيه طبعا.. لكن المطلوب أن الدولة توفر الدولة وتجيب الحاجة دي".
وتابع الرئيس السيسي: "الكلام ده لا ينطبق على المواد الغذائية بس ولكن كل المستلزمات بالعملة الحرة".
