استضاف برنامج مساء دى إم سى في حلقة الليلة نجمات المنتخب الباراليمبى الحاصلات على الميداليات الذهبية نادية فكرى، لاعبة المنتخب لرفع الاثقالن والحاصلة على 3 ميداليات 2 ذهبن وواحدة فضة شيماء سامى الحاصلة على 3 ذهبيات في الريشة الطائرة.
وقالت نادية فكرى خلال لقائها ببرنامج مساء دى إم سى كنت بلعب في البداية سباحة والسباحة بتخدم على كل الألعاب والإعلام لعب دور كبير في حياتى وكنت بسمع الراديو وعرفت ان في بنت بتلعب رفع اثقال ورحت النادى بتاعها وقابلت الكابتن بتاعها قاللى تعالى اعملك تيست وشيلت 160 كيلو، وكنت مبهورة بنفسى، ووالدتى كانت فاكرة ان هيبقى شكلى زى بتوع كمال أجسام وبدأت وانا في ثانوى عام وكنت بتمرن محلى محلى مفيش دولى وبعدين بعتونى منتخب وأول سفرية ليا عملت فضية في بطولة أوروبا المفتوحة وبعدها أولمبياد سيدنى وبكين وأتينا.
أما شيماء سامى، لاعبة المنتخب لكرة الريشة أكدت انها لعبتها الثالثة، فكانت بطلة عالم لألعاب القوى، الجيل اللى طالع محظوظين جدا لان الوقت اللى احنا بدأنا فيه ما كانش في إعلام يقولنا ان في بطولات بارالمبية وبعد ألعاب القوى روحت على التنس الارضى وانا اللى دخلت اللعبة مصر وكانت بالنسبالى متعة وبعدها رحت لكرة الريشة والحمد لله انتقلت في كل الألعاب وحصدت البطولات ومش هقول ان كرة الريشة مسك الختام علشان يمكن اغير.
تم أضافة تعليقك سوف يظهر بعد المراجعة