الرئيس السيسي مشيدا بشباب مصر خلال احتفالية المولد النبوى: "بقى فيه أمة شبابها بالحجم ده وتقلق من بكرة"؟.. ويوجه رسالة للمصريين: لازم يكون عندنا ثقة فى الله.. ويشيد بكلمة شيخ الأزهر: أحسنتم يا فضيلة الإمام

أبدى الرئيس عبدالفتاح السيسى، إعجابه بشباب الخريجين، قائلا: "كنا إمبارح موجودين فى الإسماعيلية وشوفنا تخريج شباب الجامعات.. والحقيقة الاحتفال ده رغم بساطاته لكن الحشد اللى تم فيه.. استدعى حاجة غريبة.

أضاف الرئيس السيسى خلال كلمته بذكرى المولد النبوى الشريف: "بقى فيه أمة شبابها بالحجم ده ويبقا عندها قلق فى بكرة؟.. فيه أمة يكون شبابها ما شاء الله بالعدد والحجم والقدرة دى تبقا قلقانة من بكره؟.. ده بكره ده بتاعهم هما.. وهما قادرين يحفظوا أقدار هذه الأمة".

كما أبدى الرئيس عبدالفتاح السيسى، إعجابه من كلمة فضية الإمام الأكبر الدكتور أحمد الطيب شيخ الأزهر الشريف، قائلا: "أسجل بتقدير شديد كلمة فضيلة الامام أحسنتم فضية الامام فى كلمتك الشاملة الطيبة العميقة".

قال الرئيس عبدالفتاح السيسي: "مفيش أمة فى العالم تطلع لقدام أبدا من غير ما تاخد بأسباب الدنيا.. لكن يحرسها مسار أخلاق عميق.. ولو تخلت عنه لا يمكن اللى بيتخذوا منهج الأشرار.. وبقول أشرار لأنى أنأى بنفسى.. لا يمكن فيه أمة تطلع لقدام.. بقول للأشرار اللى بيتصوروا إنهم ينجحوا أبدا بغير سبيل المصلحين..الهدم..والخراب.. والظنون وإشاعة الألم والفرقة والانحطاط.. والكذب.. مفيش نجاح غير بسبيل المصلحين.. الهدم الظنون والشكوك وإشاعة الألم والفرقة والانهيار والكذب لا يمكن.. دى مش سنن ربنا.. والله هذا الامر ليس من سنن الله عز وجل هذا الامر ليس من سنن الله أبدا".

تابع الرئيس مخاطبا الدعاة: "المهم أقول ليكم وانتم دعاه تتحدثوا للناس فى المنابر.. بكرر الكلام ده ليكم.. المنهج اللى ماشيين بيه صدقونى منهح بيحاول يكون مستقيم وأمين ومخلص لله وشريف كمان فى هذا المسار.. معنديش شك".

أكد الرئيس عبد الفتاح السيسى، أنه رغم الظروف الصعبة التى نمر بها سوف يسدد الله خطانا، متابعا: "مفيش شك رغم الظروف الصعبة دى أن الله سبحانه وتعالى هيسدد الخطى لازم يكون عندنا ثقة فى الله والمسار رغم الظروف الصعبة".

وجه الرئيس عبد الفتاح السيسى، رسالة إلى الشعب المصرى قائلا: "مش هقول اطمئنوا بينا ولا بالحكومة.. اطمئنوا بالله سبحانه وتعالى". 

وقال الرئيس السيسى، فى نهاية كلمته فى احتفالية المولد النبوى الشريف: "مش عاوز أطيل عليكم.. كل عام وأنتم وبخير ودائما مصر بخير وسلام وأمان بفضل الله تعالى.. والسلام عليكم ورحمة الله وبركاته".