كشف الشاعر الغنائى تامر حسين خلال لقائه مع برنامج من الآخر على قناة ON عن عدم إقدامه على الكتابة في الدراما، أما السينما وقال:"أنا قبل ما أدخل الوسط الغنائى، كنت متجه للسيناريوهات لأن كان عندى أفكار كتير مابعرفش أقولها في أغانى وعندى خيال ممكن يتقال ولكن في دراما، ولكن لما ربنا وفقنى ومشيت في الغناء كملت فيها وأنا بعتبر الأغنية فيلم مدته 3 دقائق".
ونفى تامر محسن ما يشاع حول تدخله في تعاون عمرو دياب مع الكتاب موضحاً:" إشاعة بايخة خالص مفيش الكلام عمرى ما تدخلت ومفيش حد بيتدخل في مين اللى عمرو دياب ياخد أغانيه ومين لأ، بس الناس بتشوف اننا قريبين وأنا نزلى معاه أكبر عدد أغانى، فالناس اللى مش طايلة ومنزلهاش أغانى معاه، بتجيبها فيا أنا ودا مش صح طبعاً".
وحول تقديم عدد كبير كم الأغانى الخفيفة والسريعة مع عمرو دياب، أشار تامر حسين إلى أن هذا منهج يتبعه الهضبة في الأغانى قائلاً:"عملت مع عمرو دياب أغانى مختلفة ومتنوعة، وحتى الدراما عملتله أغانى من أهم الحاجات اللى كتبتها منها "حبايب إيه" و"أنا مش أنانى"، و"ساعة الفراق"، و"أمنتك" و"معاك قلبى" وأغانى كتيرة قلنا فيها كلام مهم، والأغانى الريتمتك من قبل ما أنا أكون موجودة عندى وعملها كتير.
وتحدث تامر حسين عن المصطلحات الجريئة في أغانيه مع عمرو دياب خلال الفترة الأخيرة وقال:جرأة عمرو عمرو دياب موجودة من زمان وطول الوقت ومش أنا بس اللى كتبتله أغانى فيها مصطلحات جريئة ، كان فيه زمان مجدى النجار وأيمن بهجت قمر، وعن نفسى كل الجرئء اللى عملته معاه نجح معاه جدا الحمد لله زى "يوم تلات".
البرنامج يذاع على منصات شبكة قنوات On على مختلف مواقع التواصل الاجتماعى، وهو من إعداد وتقديم وإخراج أدهم صالح.
تم أضافة تعليقك سوف يظهر بعد المراجعة