استعرض نادر عبد الخالق زهران صاحب شركة "right home"، تفاصيل المشروع، حيث طلب 10 ملايين جنيه مقابل 50% من قيمة الشركة.
وقال خلال مشاركته في برنامج "شارك تانك" الذي يذاع على قناة "cbc": "أنا عندي 65 سنة بس أنا شايف أن الإنسان اللي يجب الشغل ويقدر يشتغل، لازم يشتغل لآخر يوم في عمره، وأرجو أن ده يكون أمر مهم بالنسبة لكم، ويتكلم في البيزنس والشغل، خصوصا أني مبدخنش ولا بشرب كحول وبلعب رياضة".
وأضاف: "دخلت في مشروعات كتير وأخدت توكيلات خاصة بأثاث المنازل والملابس والأدوات الرياضية وخاصة رياضة التنس، وعملت أكتر من شركة في مصر ودبي، ودخلت عام 1994 في الأثاث، ومن كتر حضور لاحظت نوع بلاسيتك جديد بيتعمل منه الأثاث".
وتابع: "استوردت المنتج اللي معمول من البلاستيك ده، لكن كان غالي، ولكن بسبب جودته الكبيرة، اتباع رغم انه كان غالي، فطلب منه المواد اللازمة واستوردتها لمدة 5 سنين وبدأت أنت منتج مصري من النوع ده من البلاستيك، وبعدها صناعة الراتان أو النوع ده من البلاستيك بدأت تنتشر في مصر".
تم أضافة تعليقك سوف يظهر بعد المراجعة