حل الفنان هشام جمال والفنانة ليلي أحمد زاهر، ضيفين في برنامج "صاحبة السعادة" للإعلامية إسعاد يونس، المذاع على قناة DMC، وتحدث هشام جمال عن اعترافه هو وليلي زاهر بالعلاقة بينهما قائلاً: "في السفر نزلنا بدرى مش باتفاق، وكان أهلها وأهلى متأخرين، وقلنا نستغل الوقت، طلعت صورتها بره وقعدنا اتكلمنا، والكلام بدأ يجيب بعضه".
وأضاف: فضلنا فترة بنتعامل بعد كده بشكل برده عادى ونبعد ونتكلم عشان أتاكد إن دى حاجة بجد قبل ما آخد أي خطوة حقيقية وأكلم الأهل.
وداعبته إسعاد يونس: "إنت قلت لأبوها إزاى، ده كان بيقول لو جالها عريس هقتله".
وتابع هشام جمال: "ابوها حبيبى، وللعلم انا انا اتقدمت لها في النادي الأهلي، ومكنتش مخطط لأى حاجة وقتها، ولكن اتغدينا مع بعض وبعدين قلتله هنعمل ايه في موضوع ليلي بقى، فقالى ايه موضوع ليلي، وافتكر ان في عمل جديد ولا حاجة، فحكيتله حاجات كتير جدا وهو أول حاجة قالهالى الموضوع ده بدأت امتى".
وقال هشام جمال: "اتكلمنا كتير مع بعض لمدة يمكن 4 ساعات، وحاولت أطمنه لأن هو دايما بيخاف عليهم كلهم، وبيحبهم جدا، وما طلبش منى غير أن أنا عاوزك تاخد بالك من بنتى، وربنا يقدرنى وأعمل كده".
وتفاجأ محبو الفنانة ليلى أحمد زاهر بخطوبتها على الفنان والمنتج هشام جمال، بعدما اجتمع المشاهدون حول قصة حبهما وزواجهما فى إطار درامى كوميدى من خلال مسلسل "فى بيتنا روبوت"، وهو ما جعل وجود علاقة رسمية بينهما يبدو أمرا مألوفا للجمهور، ويبدو أن علاقة الصداقة والعمل جعلتهما قريبين من بعضهما حتى نشأت قصة الحب التى أعلنت رسميا أمس.
.jpg "ليلي زاهر, هشام جمال (1)")
ليلي زاهر وهشام جمال
.jpg "ليلي زاهر, هشام جمال (2)")
ليلي زاهر وهشام جمال مع إسعاد يونس
.jpg "ليلي زاهر, هشام جمال (3)")
إسعاد يونس وليلي زاهر وهشام جمال
.jpg "ليلي زاهر, هشام جمال (4)")
ليلي زاهر وهشام جمال مع صاحبة السعادة
.jpg "ليلي زاهر, هشام جمال (5)")
ليلي زاهر وهشام جمال
تم أضافة تعليقك سوف يظهر بعد المراجعة