قالت الفنانة حورية فرغلي، إنّها لم تعلن أنها استأصلت الرحم، موضحةً: "أنا قلت أول مرة وأنا عندي 30 سنة كان عندي 7 أورام والطبيب قالي لازم يتشالوا وقدامك 10 سنين حاولي تتجوزي عشان لما تجيبي بيبي هنزلك الرحم".
وأضافت «فرغلي»، في حوارها مع الإعلامية بسمة وهبة مقدمة برنامج «العرافة»، على قناتي المحور والنهار: «فاتت الـ10 سنين ومقابلتش حد ومتجوزتش والورم اللي كان عندي كبر أوي لدرجة إنه كان هيقلب وده اللي خلى بابا يدخلني المستشفى».
وتابعت: «قلت من قبل إنني استأصلت 7 أورام من فوق الرحم في الثلاثين من عمري، ولما عملت العملية كنت لوحدي»، لتصدمها بسمة وهبة: "مامتك كانت موجودة ومنزلتش وكانت قاعدة تشرب سيجارة في الغرفة".
وقالت الفنانة حورية فرغلي، إنّ الناس تشعر أنها ضعيفة، لكنها ليست غبية أو "عبيطة"، مشيرةً إلى أنها لم تجد من يدعمها في أثناء الخضوع لجراحة استئصال الرحم، وأكدت «فرغلي»، أنها ستقدم مسرحا للأطفال خلال الفترة المقبلة.
وحول ما تشعر به، قالت: "أنا قوية مش محتاجة لحد وقريبة من ربنا، لكن مفيش خبر حلو دلوقتي".
تم أضافة تعليقك سوف يظهر بعد المراجعة