رد المعلق الرياضى مدحت شلبى على الادعاءات بأنه ملك الخروج عن النص فى التعليق، خلال حواره مع الإعلامية منى عبد الوهاب، فى برنامج "ع المسرح"، المُذاع على شاشة "الحياة"، حيث قالت الإعلامية "حصلك أكثر من مرة مشاكل بسبب تجاوزات أو إيحاءات خادشة على الهواء"، وأوضح شلبى عن واقعة إيفيه معلول "جبتلهم أغنية لمحمد العزبى فيها نفس الجملة".
وأضاف مدحت شلبى "اتوقفت عن التعليق وكان فاضل فى الدورى 4 ماتشات، أنا أساسا ما بعلقش عليهم، بس القرار كان إرضاء للسوشيال، هما شافوا إنى ما غلطتش وما كنش مقصود بيه حاجة، وأنا مش من الناس اللى عندى خروج عن الحوار".
وأوضح "عمرى فى حياتى مع أصحابى ما أهرج بكلمة خارجة، اتربيت فى بيت أمى بتنده لأبويا فى البيت يا هلال بيه وهو يرد عليها يا فلانة هانم".
وأكد مدحت شلبى أن مُباراة الأهلى والزمالك الشهيرة بفوز الأهلى على الزمالك 6 - 1، كانت فاتحة الخير عليه فى التليفزيون المصرى.
وأضاف خلال حواره مع الإعلامية منى عبد الوهاب "بيبو وبشير بيبو والجول" كان مونولوج التحول فى حياتى، والمعلقين الكبار قالوا إزاى الراجل ده يعلق على أهلى وزمالك؟".
وطالب شلبى، الكابتن بشير التابعى، بمسامحته على جملة "بيبو وبشير بيبو والجول" بعدما قالت له الإعلامية منى عبد الوهاب إنه بيقول: "مش مسامحك"، وبابتسامة قال شلبى: "سامحنى الله يخليك أنا بوصف الماتش بس ده الموضوع من 2001، وأكيد هو زعلان علشان لحد النهاردة الأهلاوية فى تاريخ هذه المباراة بيغرقوا النت بجملة بيبو وبشير، جمهور الكورة ما لوش حل بيصطادوا لبعض".
وأضاف الإعلامى الرياضى: "قصة حياتى بسميها (هذا من فضل ربى) لأنى مكنتش أحلم بأن حياتى تتدرج بالشكل ده، وأكون موجود فى عيون الناس بشكل محترم، والجميع بينتظر تعليقى ويحبوه وده من عند ربنا"، متابعًا: "أمى أول حد ليه فضل عليا".
تم أضافة تعليقك سوف يظهر بعد المراجعة