تميمة "الصحصحة".. خالد الحلفاوى يكشف سر "السود عيونه" بكامل العدد

كشف المخرج خالد الحلفاوي، مخرج مسلسل كامل العدد +1، عن بعض التفاصيل الكوميديا التي شهدتها كواليس تصوير المسلسل، وأبرزها أغنية للنجم مصطفى قمر "السود عيونه".

وأضاف خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "كنت بستخدمها عشان أصحصح الناس، بيبقى كل واحد شغال وبيعمل حاجة، ومجرد ما أقول السود عيونه، الكل بيرد عليا ويقول يا ولا".

وتابع: "كنت بسأل كان في أغنية مجرد ما أقول أول كوبليه منها الناس هترد عليا، بس مكنتش فاكر الأغنية، لكن الفنان الشاب حمزة، هو اللي افتكرها، وقالي السود عيونه، مسكت المايك وقولت السود عيونه، كلهم ردوا وقالوا يا ويلا".

وعلقت دينا الشربيني على هذا الأمر قائلة: "أغرب حاجة كانت في الموضوع كانت الاسم، المشاهد جد جدا وفيها عياط، وفي وسط كل ده خالد يقول السود عيونه ونرد عليه نقول يا ولا".