حذرت الدكتورة مي صلاح، أستاذ التغذية بالمعهد القومي للتغذية، من الإصابة بالتسمم الغذائى، بسبب ارتفاع درجات الحرارة.
وأوضحت أستاذ التغذية بالمعهد القومي للتغذية، خلال حوار مع الإعلامية مروة شتلة، بحلقة برنامج "البيت"، المذاع على فضائية "الناس"، اليوم الثلاثاء: "لو احنا عايزين نحمي نفسنا من التسمم الغذائي، علينا اتباع قواعد سلامة الغذاء يعني اغسل إيدى كويس قبل ما أحضر الأكل، ولازم الأسطح تكون نظيفة، وكمان أقلل عدد المرات اللى باكل فيها من بره، أحاول على قد ما أقدر، واختار أماكن موثوقة".
وتابعت: "لما آجي أخد بالي من الأكل لازم الحفظ يكون في درجة حرارة مناسبة يعني في الشتاء ممكن نعمل الأكل نسيبه برة شوية على البوتاجاز لكن هنا الحر ضروري جدا إن الحاجة ممكن تفسد بسرعة خارج الثلاجة أو الفريزر فدي حاجات مهمة جدا لازم نخلي بالنا منها أخلي بالي قوي لو في أي تغير في شكل الفاكهة، في شكل الخضار ابتدت تدبل ابتدى يحصل تغير في اللون بتاعها ماشلش الحته الجزء البسيط ده وابتدى أكمل على أن هى سليمة بتكون ضربت كلها.. خلاص هى مصابة يعنى هى مصابة".
وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.
وتبث قناة الناس عبر تردد 12054 رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.
