قال الرئيس عبد الفتاح السيسي، إن الدولة المصرية نفذت جهدا كبيرا فى التعليم والصحة والزراعة والموانئ والمطارات، متابعا: "مهم أوي القراءة والدراسة علشان نفهم يعني إيه دولة.. ومقومات الدولة ومطالب الدولة للاستمرار والتقدم.. اللى عاوز يوقع دول يخليها تتخانق مع بعضها".
وأضاف الرئيس السيسي، خلال تفقد الأكاديمية العسكرية المصرية: "المرحلة الأولى فى بناء قدرات للدولة للانطلاق لمستقبل أفضل نجحنا فيه خلال الـ10 سنوات الماضية.. وكان فيه فضل كبير من ربنا سبحانه وتعالي.. الخطوة المهمة أوي إن أي مستثمر يجي يلاقي الطرق والكهرباء والبنية التشريعية والنظام البنكي وكل المقومات الخاصة بالاستثمار.. لازم يكون عندنا كل شيء".
