أحمد إبراهيم ينتقد تجاهل دور الموزع الموسيقى فى صناعة الأغنية

انتقد الموزع الموسيقى أحمد إبراهيم، ظاهرة تجاهل دور الموزع الموسيقى في صناعة الأغنية المصرية، بعدما نشر عبر صفحته الرسمية على موقع فيس بوك منشورا تحدث خلاله عن تلك الظاهرة، برغم التركيز على دور الكلمات واللحن دون الاهتمام بدور التوزيع الموسيقى، قائلا: هي الأغنية بتنزل كلام ولحن؟ طيب والموزع؟ الراجل الأمين اللي عامل المزيكا، اللي متروقة للحن، ومش عامل دوشة معاه، رغم إنه يقدر يستعرض ويركب مزيكته؟.

وتتطرق إبراهيم، إلى دور الموزع الموسيقى، مشيراً: "الموزع اللي مسجل الغنا، وعامل الفواصل، واللزم الموسيقية، والردود، والف الوتريات، والصولو، والهارموني، وعامل مكس الإيقاع الشرقي بالدف على إيقاع rnb، ومكسج الأغنية".

وهاجم أحمد إبراهيم، قائلا: مين هيتكلم عن مجهود الموزع، والأيام اللي بتروح عشان ينزل أغنية 3 دقايق، طب مين هيتعب نفسه، وهيبعت قبل التقرير، يسأل عن الأغنية، ويعرف مثلا أنها كانت أغنية هاوس، والعبد لله وزعها تاني بالشكل الدرامي اللي نزل ده".

وتحدث "إبراهيم"، بشكل أدق عن تقرير عرض عن أغاني شيرين عبد الوهاب الجديدة، تجاهل دور التوزيع الموسيقى، معلقاً: حضرتك بتقولي أغنية (خاين)، ناحجة ومن ريحة أغانيها القديمة، مش جايز من الأسباب مثلا أنه نفس الراجل الموزع اللي رجعت تشتغل معاه تاني بعد غياب، وكان زمان عملها مشاعر، على بالي، أنت آخر واحد، المراية، حبه جنه، ومتحاسبنيش وغيره"

وأكد قائلا: حلال فيكم الـAI والله، لحد أمتى هنتجاهل اسم الموزع، بعد كده المغني ينزل الأغنية بصوته فقط، عشان تبقى كلام ولحن بس، وحتى توفروا أجر الموزع الكبير، والعازفين الكبار اللي بينفذوا رؤيته".