◄ كان شعار حكومة الستينيات «اللى يفتح بقه هانحط السيخ المحمى فى صرصور ودنه»، وكان شعار حكومة السبعينيات «دول شوية عيال خليهم يلعبوا»، أما شعار حكومة اليوم «أدن فى مالطة يا حبيبى زى ما أنت عايز واحنا ودن من طين وودن من عجين».
◄ يارب كتر زيارات أوباما لمصر، بس بشرط إنه يعدى على مدينة نصر علشان تترصف شوارعها وتتغسل عماراتها، وتتلم زبالتها وتنضف مداخلها ومخارجها.
◄ تعرفت عليها فى طابور الجمعية.. تلاقت نظراتنا بشدة فى طابور الشهر العقارى.. احببتها فى طابور العيش.. أدعوكم لحضور خطوبتنا فى إشارة مرور شارع مصطفى النحاس بمدينة نصر، والعاقبة عندكم فى المسرات.
◄ بعد أنفلونزا الطيور وأنفلونزا الخنازير، أخشى أن تظهر أنفلونزا الصراصير، فيضطر كل بيت إلى ذبح الصراصير الموجودة فى البلاعات.
وسيم ميخائيل صموئيل مدينة نصر
