مبروك العيد يا أهل بلادنا
وبخيرك يارب تزيدنا
الإيد فى الإيد ---- والعزم شديد
وتِهلّى يافرحة أعيادنا
مبروك العيد يا أهل بلادنا
******
يجعل أيّامنا فرح وزهور
وأعياد وحضارة تشوف النور
من رأس التين --- لحدود شلاتين
أمن وأفراح جوّه ولادنا
مبروك العيد يا أهل بلادنا
******
ومراكب ترقص فوق النيل
وهرم على وِحِدة بلدى دليل
الله على شعب --- يسير ع الدرب
وسلام بيرفرف ع المدنة
مبروك العيد يا أهل بلادنا
*******
وتاريخنا سلام وعمل وأعياد
واسألوا عنّنا كل الأجداد
أرضِنا بتجود --- والله موجود
سُبحانه الواهب أمجادنا
مبروك العيد يا أهل بلادنا
صلاه العيد
