بالفيديو.. "فى بطاقة الرقم القومى.. مهما تضحك الصورة هتطلع وحشة".. مواطن: "أنا مش عارفنى أنا تهت منى".. وآخر "مخبيها وماشى بجواز السفر".. مصريون يطالبون بتغيير الراجل اللى واقف ورا الكاميرا

"حسبى الله ونعم الوكيل ربنا ينتقم منه.. ليه بيعمل معانا كدا".. هذه الدعوات ليست موجهة إلى بلطجى أو موظف مرتشى أو رجل فاسد، لكن إلى الموظف الذى يشرف على تصوير الصورة فى البطاقة الشخصية لأفراد الشعب المصرى.

المصريون باختلاف أطيافهم ومستوياتهم غير راضيين عن صورهم فى بطاقات الرقم القومى، ويتلاشون إظهارها فى المناسبات، بل ذهب بعضهم إلى عدم استخراج البطاقات الشخصية بسبب التصوير.

وقال مواطن "أنا بتكسف أطلعها وماشى من غيرها بسبب صورة البطاقة السيئة وأخجل من إظهارها أمام الناس"، مضيفا: "أنا بصيت فيها لقيت أنا مش عارفنى أنا توهت منى أنا مش أنا"، فيما قال مواطن آخر "أنا بمشى من غير بطاقة وماشى بجواز سفر.. أنا شكلى فيها زى المساجين".

وقال شاب عشرينى لم أذهب إلى السجل المدنى حتى الآن خوفا من صورة البطاقة السيئة، مضيفا: "أنا عامل حسابى من الكلام اللى سمعته من الناس اللى قبل كدا وعارف هيعمل إيه.. هفضل أضحك ومش هكشر عشان ياخد أحسن صورة".

وزادت سخرية المصريين من "الراجل اللى بيصورهم فى البطاقة"، والخدمة التى يقدمها الموظف المشرف على تصوير صورة البطاقة، قائلين: "ليه بيعمل معانا كدا.. ربنا ينتقم منه.. أنا والله معرفهوش قبل كدا".

وطالب عدد من المواطنين تغيير الموظف المسئول عن صورة البطاقة الشخصية بآخر محترف، قائلين: "لازم اللى بيصورا البطاقات يتغيروا بمصورين محترفين عشان البطاقة بتفضل معانا فترة والواحد بيتكسف يطلعها".

ووجه عدد المواطنين، انتقادات للسجل مدنى، بسبب الصور السيئة التى توجد فى أى ورق يخص مصلحة حكومية، مطالبين السجل المدنى بتوفير معدات حديثة وأشخاص محترفين للتصوير.