أيمن ماهر يكتب: تحيا مصر

فى القلب مصر ومين قدها؟
أم الدنيا ومن حقها
تعلى وتعلى لفوق
مهما عانينا دى أمنا
غالية ومحفورة فى قلبنا
بالعافية أو بالذوق
م الالف للياء... تحيا مصر
هى لينا حياة... تحيا مصر
واللى جاى ان شا الله احسن
واللى فات ننساه
كل يوم بيعدى خير
يبقى عمار يا مصر
طول ما فى السما طير
يبقى امان يا مصر
كل يوم شمسك بتطلع
كل يوم نجمك بيسطع
وقلبى من جواه بينطق
ويقول تحيا مصر
الامل فيكى بولادك
والاصاله يا مصر
فى التاريخ شهادة ميلادك
من قديم العصر
انتى قادرة يا أم مينا
بالعروبة تجمعينا
بيكى راح ترسى السفينة
ونقول تحيا مصر
أنت نجمة فى وسط ليل
والقمر راجع يلالي
واتحديتى المستحيل
يا مصر ورجعتى تاني
هى دى مصر تملي
كل يوم فى المجد تبني
يلا فوق واصحى يا ابني
وقول تحيا مصر