"ربنا ما يحكم على حد بالحوجة اللى أنا فيها.. والله على عينى أمد إيدى وأطلب، لكن هعمل أيه وأنا مش لاقية أجوز بنتى وأفرح بيها".. بهذه الكلمات بدأت "سعاد عبدالله" 55 عامًا، من مدينة فاقوس بمحافظة الشرقية، تروى ماساتها لـ"اليوم السابع".
وأضافت الحاجة سعاد، أنها كانت تعمل بمحل تنظيف دواجن، لتصرف على أولادها "محمد" 13 سنة، و"ياسمين" 23 سنة، بعدما توفى زوجها وتركهم بمعاش شهرى 300 جنيه فقط، لا تكفى ثمن الخبز؛ "فضلت شغالة ومستحملة لكن فجأة صدرى تعب ومبقيتش قادرة اشتغل تانى، وولادى حملهم بيكبر يوم عن التانى، لدرجة إنى بقيت أرفض العرسان اللى بيتقدموا لبنتى علشان مش معايا ثمن جهازها.".
وتواصل بدموع: "ملناش غير ربنا، هو وحده اللى عالم بحالنا.. نفسى أقدر أستر بنتى.. ملهاش ذنب أكسر فرحتها.. نفسى أفرح بيها قبل ما أموت.. والله عرسان كتير اتقدموا لها وانا رفضتهم علشان مش معايا أجهزها.. ساعدنى يا رب.
وتتابع السيدة المريضة، أنها تعانى من عدة أمراض مزمنة بالصدر والقدمين، وتحتاج علاجا شهريا مكلفا، وبعض أصحاب الخير يساعدوها فى شرائه،وهى تحمد الله على نعمه وكل ما تتمناه مساعدتها فى جهاز نجلتها الوحيدة.
للتواصل 01005828578
عدد الردود 0
بواسطة:
ماهر
مجرد رأي
مع احترامي للسيده ودعواتي لها بالشفاء ولكن مالداعي للتبرع لجهاز بنتك هذا ليس بالشئ الضروري ويمكن للعريس والعروسه الزواج باقل المصاريف والاشياء ولكن نحن المصريين نحمل انفسنا الكثير بدون لازمه ..ربنا يسترها على اولادنا جميعا
عدد الردود 0
بواسطة:
بنت مصرية
على قد لحافك !!
يا ست سعاد المثل الشعبى بيقول على قد لحافك مد رجليك , ومين قال ان الجهاز شرط للجواز ؟؟ زمان فى الفلاحين كانوا بيتجوزوا بحصيرة ولمبة جاز وقلة وطبلية وطشت غسيل !! وكانوا بيعيشوا صاينين بعض العمر كله !! وطالما ان انتوا حالتكم على قدها اكيد العريس اللى بييجى لنتاتك عارف البير وغطاه , والله عاجباه العروسة على كده خير , مش عاجباه يبقى هو حر !! اذا كنتى بتقولى انك بتتعالجى على نفقة اهل الخير من جيرانك , يبقى جهاز ايه اللى العريس هيطلبه !! جوزى بنتك على قد حالكم لراجل تقى يخاف ربنا فيها ومتجوز علشان يفتح بيت بالمودة والرحمة والعشرة الطيبة , مش بالتلاجة والغسالة والتلفزيون , ياما ناس اتجوزت وشققها على البلاط , وربنا كرمهم ورزقهم وفرشوها احسن فرش , وناس اتجوزت بجهاز غالى , وفضلوا سنين فى المحاكم بيتخانقوا على قايمة العفش .
عدد الردود 0
بواسطة:
محمد
اتمنى من اهل الخير مساعدتها في جهاز بنتها و علاجها
قال تعالى: وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ {البقرة:215}، وقال تعالى: فَمَن يَعْمَلْ مِثْقَالَ ذَرَّةٍ خَيْرًا يَرَهُ {الزلزلة:7}.وفي الحديث: والله في عون العبد ما كان العبد في عون أخيه. رواه مسلم، و نرجو من الاخوه المحترمين في اليوم السابع ان يحافظوا على الستر و عدم الافصاح عن الاسماء و الصور و عرض الحالات لا يحتاج الا لشرح الظروف و طريقة التواصل و ما لا ترضاه لامك و اختك لا ترضاه للناس و شكرا
عدد الردود 0
بواسطة:
أسامة عوض
الدنيا اتغيرت
صحيح مش شرط تجهيز العرايس بما لا طاقة لأهاليهم به، لكن الدنيا اتغيرت والعرف أصبح قاعدة وإن كان تطبيقها معضلة تؤرق الجميع الغني والفقير، لهذا الست مطلبتش المستحيل فقط طلبت تجهيز بنتها قبل ما تموت واللي يقدر يساعد جزاه الله خيرا ولو بثلاجة بوتاجاز، أدوات مطبخ بحيث البنت تقدر تبدأ حياتها، لو فيه لوم يكون على ثقافة المجتمع وده أمر تغييره يطول
عدد الردود 0
بواسطة:
مدحت فايد
ياريت نساعدها بدل ما نكتب كلام يجرح مانقص مال من صدقه
يقول الرسول الكريم محمد صلي الله عليه وسلم مانقص مال من صدقه ويقول في حديثا اخر انا وكافل اليتيم كهاتين بالجنه واشار بالاصبع المترابيطه ساعدوها لكي نزيح عناه الام القهر والمزله ولكي تفرح ........ ارجو المساعده لوجه الله ولو بالقليل وصل الله علي سيدنا محمد وعلي اله واصحابه اجمعين