استشهد المستشار محمد خضير، الرئيس التنفيذى للهيئة العامة للاستثمار، بدور الموظف الذى قام به الفنان بيومى فؤاد بأحد أعماله لتجسيد الموظف البيروقراطى، حيث قال مازحًا: "استحضرنا شخصية بيومى فؤاد.. واحنا بنعمل مسودة قانون الاستثمار.. علشان نواجه البيروقراطية".
وأضاف "خضير" فى كلمته خلال اجتماع لجنة الشئون الاقتصادية بالبرلمان المنعقد الآن برئاسة النائب عمرو غلاب، لاستكمال مناقشة مواد مشروع قانون الاستثمار الجديد، أن النصوص الإجرائية الخاصة بقانون الاستثمار الجديد، لا تسمح لأى موظف بيروقراطى بتعطيل العمل أو تأخير إصدار التراخيص.
وكانت لجنة الشئون الاقتصادية بالبرلمان برئاسة النائب عمرو غلاب، قد قررت تأجيل مناقشة المواد المتعلقة بالحوافز والضمانات، بمشروع قانون الاستثمار الجديد، لعدم حضور وزير المالية أو ممثلين عن الوزارة، لانشغالهم باجتماع آخر.
عدد الردود 0
بواسطة:
فرهود مسعود
تفاهة المسئولين
الناس تضرب الامثال بدول الناجحة والتجارب الاوربية وتضرب الامثال باحوال المواطنين ونحن نستشهد بالمشخصاتية والراقصات عجبا لهذه الدولة
عدد الردود 0
بواسطة:
Ahmed Ibrahim
حلاوتك
ايه الحلاوة دى طب ما تحضروا عفاريت احسن يمكن تحل مشاكل البلد !!!!! بدل ما تحضروا ناس عايشة .... وحضروا ارواح ناس جامدة لها تاريخ زى أيزنهاور او تشرشل او مارجريت تاتشر كانت ممتازة مش تقولى بيومى فؤاد ..... والله انتو ناس زى العسل .....
عدد الردود 0
بواسطة:
مشمش
..الحكومه ..بقالها 3 سنوات ولا تستطيع اصدار قانون -لاستثمار الموحد مما اضاع استثمارات بالمليارات
.ً..اى مستثمر اجنبى او مصرى يريد شباك واحد لتخليص ..اوراقه..وليس 30 هيئه حكوميه لتخليص مشاكله
عدد الردود 0
بواسطة:
Mohammed
تعليق
الغريب أنة بيقول انة قدم استقالته والغريب أن الوزيرة السابقة كانت مقدماة على انة من اكبر ! اربع ! محامين فى قارة آسيا ! وانة كان يعمل لدى التميمى فى السعودية بتاع السوبر ماركت.. ويجعله عامر
عدد الردود 0
بواسطة:
Mohammed
تعليق
عقبال ما نستحضر حد بيفهم ! الوزارة عايزة تغيير شامل يا دكتورة
عدد الردود 0
بواسطة:
ايمن عبدالعزيز
انت عندك موظفين العن من بيومي افندي
هيئه الاستثمار فيها ناس والله العن من الروتين نفسه تخيلوا واحد راح لهيئه الاستثمار وقالهم ان اي مصنع تحتاجه مصر في طرق لتوفير قرض بفائده صغيره لمده تسعه سنوات وهذا القرض يغطي نسبه 80% من تكلفه المصنع بدلا من ان يرحبوا بالاقتراح الذي سينقل مصر الي مستوي افضل ويشغل ايدي عامله ويحسن الصادرات المصريه او حتي يرفضوا ويبينوا اسباب الرفض لا ياساده ده روح لمين وبعدين اكتبه في نسخه ورقيه ووووووو الموظف ده بدرجه رئيس قطاع في هيئه الاستثمار عرفتوا مشاكل مصر اتمني حد يرد علي الشخص ده ويناقشه لو صح يمشي ونفتح مصانع ولو غلط موضوع واتقفل حرام عليكم مصر حرام عليكم البطاله
عدد الردود 0
بواسطة:
مطحون
الباشا دة كمان بيهزر !!! إنت كمان بتقول نكت زي صاحبنا؟
الباشا دة كمان بيهزر !!! إنت كمان بتقول نكت زي صاحبنا؟ ياريت المسئولين بالذات الاقتصاديين لا يهذروا في الإقتصاد و يشتغلوا و يطلعوا نتائج بس !
عدد الردود 0
بواسطة:
مغتربة
مين "بيومي فؤاد" يا جماعة لأن المصريين في الخارج مش فاهمين
كل اللي فهمناه من التعليقات أنه شخصية درامية في فيلم أو مسلسل، بس مش فاهمين رئيس هيئة الاستثمار يقصد إيه بالإشارة له
عدد الردود 0
بواسطة:
Mohammed
تعليق
اللى يقصدة هو دراسة القضاء على البيروقراطية واللى التعليقات تقصدة انة لايصلح و عامة الدكتورة سحر حتكشفة قريب جدا !
عدد الردود 0
بواسطة:
مغتربة
إلى رقم 9: شكراً على التوضيح
شكراً على التوضيح