قال منير فخرى عبد النور، وزير السياحة الأسبق، إنه فى ضوء عناصر الجذب السياحية الكبرى التى تملكها مصر، بالإضافة إلى البنية الأساسية السياحية المصرية، يجب على البلاد أن تجتذب 20 مليون سائح سنويًا بمعدل دخل لا يقل 20 مليار دولار.
وأضاف "عبد النور"، خلال اتصال هاتفى بفضائية "extra news"، أنه فى 2010 دخل مصر 14 مليون و800 ألف سائح وكان الدخل 12 مليار دولار و500 مليون ،وتابع:"للأسف الأرقام انخفضت كثيراً الآن لدرجة أنه فى عام 2016 بلغ العائد من السياحة 6 مليارات دولار على الأكثر.. فيه مجهود بيبذل وفيه أخطاء يجب أن نتفادها.. التوجه يجب أن يكون فى إلغاء تأشيرة الدخول وليس رفع أسعارها لأن ده مش هو ده اللى هيجيب فلوس وموارد للدولة".
عدد الردود 0
بواسطة:
ميشو
تحيا مصر
كلام كلام مبنغدش غير الكلام .. عيب يا عبد الصمد أفندي هههههههه
عدد الردود 0
بواسطة:
Osama
20 مليون والله ممكن يبقوا خمسين
بمنتهي البساطه يمكن أن نصل بعدد السياح الي 50 مليون بشرط انشاء مدن سياحيه خاصه الاجانب فقط ولا يدخلها مصريين الا عماله او سائحين والعماله لا تسكن داخل المدينه حتي .احنا مع كامل الاسف سلوكنا من غش وسرقه وتحرش وفهلوه ضيعنا ولسه بننهار ومستوي السائح يتدني .الناس اللي حتزعل حقول لهم بصوا علي تجربه عظيمه علي ارض مصر اسمها الجونه حتفهم انا بتكلم في ايه
عدد الردود 0
بواسطة:
عمرو
سلام
يا باشا صح وقلنا الكلام ده كتير وإخوانا المشكلة في الخلافات السياسية و الحصار الاقتصادي اللي بيحاولوا يفرضوه علي مصر ومن ناحية تانية الحكم في مصر عايز يدور علي موارد ثابتة للدولة مش عايز يبقي تحت ضرس حد وفي النهاية بنية اساسية موجودة ومفيش سياحة والكوادر المؤهلة بقت بتشتغل حاجة تانية او البعض منهم اتجنن... يارب ارحمنا خلاص زهقنا...
عدد الردود 0
بواسطة:
Ms
السياحة
لاتنسى أن مصر تمتلك أفشل وزير سياحة
عدد الردود 0
بواسطة:
مجدي حافظ
ممكن يبقوا اكتر من كده بكتير لو ------
الاستاذ فخري عبد النور بيقول الكلام ده وهو صحيح لكن فيه بعض الامور هي لازم الاول تتعمل قبل مايكون 20 او 50 او80 مليون سائح : 1) ان هناك ممارسات تمارس من قبل افراد يخلوا السائحين يطلعوا من هدومهم اولهم سائق التاكسي لم يفكر ان السائح فريسة يجب مصمصة عضمه قبل ما يتفسح وبعد ما يتفسح . بائعي البردي وركوب الاحصنة والجمال وممارسة البعض للارهاب هؤلاء السائحين 2) نقص الكوادر الفندقية والسياحية بسبب ماحدث في خلال السنوات الست وهذا ما سوف يواجه قطاع السياحة في الايام القادمة لو استردت السياحة عافيتها لايوجد الا انصاف من هؤلاء لان معظم من كان في هذه المهن هجر السياحة لان لاتوجد استدامة في هذا الموضوع 3) نحن واتكلم هنا عن القطاع السياحي الخاص المتمثل في الفنادق التي تقوم بعرض اسعار اقل من بعض الدول الاقليمية وخاص ال all inclusive من يتخيل ان سعر شرم الشيخ لمدة 15 يوم يبقي بسعر 600 يورو ودلوقتي سوف تصبح اقل من هذا بسبب تعويم العملة يعني مش بعيد تبقي 300 يورو ويبقي مكسب بالنسبة للناس ده 4) السياحة الثقافية مع الاحترام للكل الانواع الاخري تبقي هي الارث والدخل الحقيقي لمصر ولذلك ارجو ان تباع البرامج السياحية وخاصة للاهرامات والاقصر واسوان باعلي سعر حتي لو كانت نسبة الاشغال 40% فقط بالنسبة للفنادق وانا اشك في ذلك لان سوف تبقي الفنادق كاملة العدد 5) تحسين تقديم الخدمات للسائحين بمعني الحمامات العمومية المحترمة اماكن الجلوس ؛ الحدائق والمتنزهات ايضا المحترمة 6) محاولة جذب اصحاب الدخول المرتفعة من السائحين الصينين واليابانين والقادمين من امريكا 7) المكاتب السياحية وخاصة الدول الغير ناطقة بالانجليزية ان يتولي احد من اهل هذه البلدان امر مكت مصر في الدعاية السياحة لان لغة التواصل سوف تبقي افضل وايضا له دراية بسلوكيات اهل بلده ومايبحثون عنه يعني مكتب السياحي في اليابان يبقي راجل او سيدة يابانية سوف يكون افضل في التاقلم وفهم اهل بلده افضل من المصري الذي يتولي هذا المنصب وبيتكلم انجليزي بالعافية 8) عندنا حصل دعاية بمليار جنية زيارة ميريكل لمصر من الممكن ناخد صورتها وخلفيتها الهرم وتاجير مكان اعلاني امام مطار ميونيخ او برلين ونعلف ال poster بالزيارة ده ؛ ويل سميث لما زار مصر ناخد صورته ونعلقه اما مطار jfk في نيويورك ؛ او ميسي نعلقه في برشلونة يعني كفاية حضور الاسواق السياحية مع وزير السياحة وخاصة مدام فنطاس يعني نوفر فلوسنا وغيره وغيره حاجات كتيرة اهمهم سلوك المصرين لازم يتغيير لازم
عدد الردود 0
بواسطة:
مجدى
20 مليون سائح
أومال لو حضرتك ما كنتش قبل كدة وزير للسياحة كنت حتقول اية ، إسبانيا و بالتحديد برشلونة عدد سكانها 3،5 مليون و بتحصل سنويا على 35 مليون سائح و كمان لايوجد عندها من معلومات سياحية تقارن بمصر ، أصحى و استيقظ يا سيادة الوزير، منصب مهم و معلومات ضئيلة
عدد الردود 0
بواسطة:
مشمش
ههههههههههههههههههههههههههههههههه..مشتاق عبده مشتاق..كم وزاره مسكتها وكنت فاشل
..
عدد الردود 0
بواسطة:
From Europe
صحيح و لكن
اولا أقيد تعليقين 2 و 5. الغش ليس فقط من هؤلاء و لكن ايضا من الفنادق الكبرى و مثال بسيط على ذلك فى الغردقة يريد سائح انترنت، الفندق يطلب منه 35 يورو للاسبوع و بعد ما يدفعهم السائح يكتشف ان الانترنت بطيئ ميت او لا يعمل بالمرة و بالطبع لا يستظيع استرداد فلوسه. كل المشروبات مخلوطة بمياه من الحنفية و النتائج معروفة للجميع. الاطعمة الان بأسوء انواع الخضروات و اللحوم و للاسف كل هذا فى الفنادق 4 و 5 نجوم. ثانيا البنية الاساسية فى الندن السياحة فى حالة رديئة جدا. شوارع ة مبانى متهالكة. زبالة فى كل مكان. لا توجد وسائل مواصلات جيدة. الغردقة مليئة بالناموس طوال العام الذى ينهش فى السائحين و ينقل الامراض بسبب طرق الصرف البدائية. عندما نصلح الافكار و نشجب فلفة المكسب من الهواء و نصلح البنية الاساسية فى الندت السياحية سيدخل مصر 30 مليون
عدد الردود 0
بواسطة:
ابوالعريف
رقم 2. تحية لك .بدون اثار .كل المقومات موجوده الا مشكلة التخطيط والاداره
كل المقومات موجوده الا مشكلة التخطيط والاداره.الشمس الدافئة ل8 شهور بالعام الساحل الطويل للبحر الاحمر والمتوسط ومثله على جانبي النيل.
عدد الردود 0
بواسطة:
مصري وطني .ضد الكلاب الضالة اعداء مصر و المصرين
للاسف السيد فخري عبد النور من الواضح انه اصبح من اصحاب الشلل
.