نشرت الصفحة الرسمية للمتحدث الرسمى لرئاسة الجمهورية، فيديو، لاستقبال الرئيس عبد الفتاح السيسى، لأسرة شهيد القوات المسلحة المقدم أحمد صلاح الدين مالك، الذى استشهد خلال عملية مداهمة على عناصر إرهابية فى سيناء الشهر الماضى، وسبق أن استشهد شقيقه الرائد إسلام صلاح الدين مالك، الضابط بوزارة الداخلية.
وقال الرئيس السيسي موجهاً حديثه لوالدة الشهيد : " اسمحيلي أقدملك الشكر باسم كل المصريين وربنا يعوض عليكي واحنا مقدرين ده ..احنا ولادك وتحت أمرك وليا الشرف أكون من أولادك وليا عظيم الشرف إني اقابلك "
وقالت أم الشهيد: لما الشهيد الصغير توفي قلت للكبير أنت الخير والبركة ولما التاني توفى قلت الحمد لله يارب، وأضافت: أنا قدمت شهيدين للوطن ومش خسارة في الوطن ".
ووجهت أم الشهيد حديثها للمصريين قائلة: " مصر عظيمة بالسيسي"، مصيفة: " أرض سيناء ارتوت بدم ابني وكان يتمني أن ينول الشهادة ونالها علي أرض سيناء"، وهو ما رد عليه الرئيس السيسي بقوله:" مصر عظيمة بيكم وبشعبها ومفيش أعظم منك " .
ومن جانبها قالت أرملة الشهيد المقدم احمد صلاح، إن زوجها الشهيد أكد لها أنه يحب سيناء وكانت تجري في دمه ، وعندما سالت دماءه سالت علي أرض سيناء.
وقالت شقيقة الشهيد، إن الحياة توقفت بعد استشهاد شقيقها ، مضيفة " أخويا يوم استشهاده وجه حديثه للجنود قبل خروجهم في مداهمة لبؤر ارهابية، وقال: اوعي إرهابي يمسكك ولو هتموت موت بشرف " وأشارت إلي أنه أثناء المداهمة لم يكن قد استشهد ولكنه أصر علي إجلاء زملائه المصابين مما عرضه للاستشهاد " .
ووجه الرئيس السيسي حديثه لأسرة الشهيد قائلا: أنت أم البطل ، وزوجة البطل ووالد البطل ، وأولاد البطل ".
ومن جهته، قال والد الشهيد: أنت القائد الأعلي للقوات المسلحة ، ووراك رجالة في القوات المسلحة ياريس والقيادة بتحبك " فرد عليه الرئيس :" الفضل ليكم ولكل المصريين الشرفاء اللي بيقدموا ولادهم فداء لمصر بعد ما ربوهم وكبروهم علشان يكونوا تمن حرية وإمن واستقرار مصر " مضيفا " أوعوا تتصوروا إن الثمن ده قليل ، لأن الشهيد أحمد راح عند ربه علشان ٩٠ مليون يعيشوا في أمان وسلام وكل أم واخت وابن " .
واختتم السيسي حديثه قائلا: أنا تحت أمركم كلكم أنا وكل المصريين "
عدد الردود 0
بواسطة:
مصري
تحية وتعظيم سلام لام الشهداء انت تاج شرف فوق المصريين الوطنين
وللاوده مصر لن تنساكم لان والدكم ضحى بنفسه من اجل حريتنا
عدد الردود 0
بواسطة:
انس
يااارب
لو هقولك ايه تستاهلي شي محلصشي لساني يعجز عن اي كلام عظيم ليكي انتي امي وام كل مصري محترم وام لكل واحد حاسس بالتضحيه انا نفسي يارب الست دي والراجل دول يشوفه مصر عظيمه عشان يحسو اني ولدهم مروحش كدا وخلاص يارب صبرهم وصبرنا وقوي مصر يارب بحق فقدان اروح اولادها والوجع الي هما في اسكن قلوبهم الفرحه والسعد والخير انا اقسم بالله مش عارف اقول ايه وله عارف انا بتكتب ايه بس اخر كلامي انت ام والام مش من السهل تفرط في اولاده بالسهل الي لو حاسه اني مصر اغلي من ولاده وانهم في مكان افضل انا بحبك يا امي وكل ام عظيم وبعقش مصر هي دي مصر هي مصر ستظل