قال الرئيس عبد الفتاح السيسى، إن هناك أشخاصا يستولون على أجزاء من أراضى الدولة ويتحدون بالحصول على حقوقهم منه هو شخصيا، متابعا: "مفيش فى الدولة حد فوق القانون وفوق الحق".
ووجه الرئيس السيسى، فى كلمته خلال افتتاح عدد من المشروعات القومية فى دمياط، حديثه لكل شخص يعتقد نفسه فوق القانون، بالقول: "مفيش حد فوق القانون وفوق الحق، وبأكد للمصريين إنهم قادرين على استعادة أرضهم، لأن دى أرض الناس وأرض مصر وأرض القادمين من أبنائنا، ولا يمكن أن نفرط فى متر أرض واحد".
وفى السياق ذاته، أعلن الرئيس عن عقد اجتماع مع قادة الجيوش والمناطق والمحافظين ومديرى الأمن نهاية مايو الجارى، للوقوف على آخر التطورات فى قضية استرداد أراضى الدولة المنهوبة، مستطردا: "إحنا آخر الشهر ده هنعقد القعدة، والمحافظين ومديرى الأمن وقادة الجيوش والمناطق وعشرين شاب من كل محافظة علشان نشوف إحنا عملنا إيه".
وأضاف الرئيس السيسي فى كلمته خلال افتتاح عدد من المشروعات القومية بمحافظة دمياط، "فيه أراضى كانت ناس حاطة إيديها عليها بتقول انها هاتاخد حقها منى انا، معلقا: مافيش فى الدولة حد فوق القانون وفوق الحق، وفيه ناس فاكره إنها فوق الحقوق وفوق القانون".
عدد الردود 0
بواسطة:
جمال سيد عبد العزيز بركات
معاك يا ريس
ده شيئ ممتاز انا معاك ياريس ربنا يوفقك
عدد الردود 0
بواسطة:
طرازان
تسلم ياريس ....
تسلم ياريس ... سيادتك اديت الامر بخصوص الاراضى المستولى عليها بوضع اليد .... و الهمة باينة من الشرطة و الجيش و المحافظين ... ياريت ياريس تدى الامر للمحليات بأزالة وضع اليد فى شوارع مصر المحروسة ... كل محل أو صاحب عمارة دق خازوقين فى الارض و ربط بينهم بالسلاسل و بقت دى ملك له ... يروح الشغل الساعة 7 صباحا و يجنزر السلاسل لحدلكا يرجع بالليل و الناس تلف و تدور على خرم أبرة تركن عربيتها فيها ... ياريت الامر يكون للمحليات المرة دى ...
عدد الردود 0
بواسطة:
شكوى
شكوى
برجاء ازاله ورشه الطوب الموجودة في (( مدينة السلام - اسبيكو الجديد - امام بلوك 247 )) حيث انها تقع امام منطقة سكنيه وتسبب ازعاج بخلاف عوادم الرمل نتيجه لقلابات الرمل التى تعمل حتى الفجر بخلاف اقامه عمال الورشه في مباني بالطوب الاحمر ملاصقة للورشه ويستخدمون كهرباء وماء ولا ادري هل هي مسروقه ام ماذا اين حي مدينة السلام اول - - اين محافظ القاهرة - اين الرقابه الادارية من كل هذا لماذا نحن نلتزم بالقانون وغيرنا لا يلتزم به اين الجهات الرقابيه من كل هذا الرئيس في وادي والجهات الاخرى في وادي اخر للاسف نريد من اليوم السابع المحترم النزول لهذه المنطقة وتصوير الورشه وايضا تصوير المنطقة السكنية لا يوجد انارة رغم وجود عواميد الكهرباء ولا يوجد ارض بالاسفلت رغم تسويه الاراضي الميحطة بالاسفلت ماعذا هذه المنقطة نتيجه لوجود مخالفات بها والحي لا يريد المجيء لها لعدم تنفيذ اي ازالات ولا ادري لماذا نريد تحقيق في هذا الشأن واين الجهات الرقابيه من كل هذا ؟؟
عدد الردود 0
بواسطة:
Ms
القانون
سيادة الرئيس وزير السياحة فوق القانون ياترى مين إللى هايحسبه
عدد الردود 0
بواسطة:
كلنا مصر
الشعب
ياسيادة الرئس واللة انا كنت واخد فكرة غلط عنك ومنتخبتكش بس واللة هنتخبك المرحلة التانيا لان كان مضحوك علينا ياريت تسامح الناس الى كانو وخدين فكرة غلط عنك لا نعلم انك (رجل الحق )
عدد الردود 0
بواسطة:
مواطن
لا للتقنين. نعم للبيع باعلى سعر في مزاد علني و تقديم المعتدين على الاراضي للعدالة لأن التعدي جريمة
لا للتقنين. نعم للبيع باعلى سعر في مزاد علني و تقديم المعتدين على الاراضي للعدالة لأن التعدي على الارض جريمة. ولابد البرلمان يغلظ عقوبة التعدي على الاراضي بالحبس و مصادرة كل ممتلكات المتعدين على الارض !!!