انتقد الداعية السلفى سعيد عبد الفتاح، المعروف باسم "أبو أسلم السلفى"، المايوه الشرعى، مؤكدا أنه حرام شرعا ولا يجوز ارتداؤه.
وقال أبو أسلم السلفى، فى منشور عبر صفحته على موقع التواصل الاجتماعى "فيس بوك": "مفيش حاجه اسمها مايوه شرعى، اوعى الشيطان يضحك عليكِ، مفيش حاجه اسمها تنزلى المياه وترفعى النقاب، لو حضرتك منتقبة ديانة لله عزو جل يبقى النقاب فى البلكونة والشارع وقدام ابن عمك وابن عمتك وفى المصيف وفى كل مكان، مش بمزاجك".
وتابع "السلفى" منشوره بالقول: "مفيش حاجة اسمها ده راجل كبير عادى، الحرام على الصغير حرام على الكبير، مفيش حاجه اسمها صاحبى أو زميلى، وتبادل تليفونات ورسايل واتس وإرسال صور وتبادل إيموشنات، وبعد كده نتكلم فى الحياة الزوجية والخصوصيات وأسرار البيت، وكل واحد يعيش دور المظلوم من الطرف التانى اللى معاه، مفيش حاجه اسمها لسه صغير، ما دام بالغ وجب عليك تتعاملى معاه معاملة البالغ العاقل من ناحية السلام والخلوة والخروج والسفر والحجاب".
واستكمل الداعية السلفى منشوره بالقول: "مفيش حاجه اسمها خطيبى، خطيبك ده أجنبى عنك، الحق الوحيد ليه إنه لا يجوز خطبتك على خطبته، غير كده ملوش لا خروج ولا فسح ولا يمسك إيدك ولا بحبك ولا انت عمرى ولا الجو ده خالص، مفيش حاجه اسمها رحلة فيها صحابك بنات وولاد وطالعة 3 أيام ومش معاك محرم، أقسم بالله حرام عليك وعلى الأب".
عدد الردود 0
بواسطة:
مجدى
عايشين
أصل عايشين حاليا فى عهد الفراعنة الحريم كلها تلبس مومياء يا شيخ يا سلفى
عدد الردود 0
بواسطة:
د. احمد الغبان السعودية
انهم داعشيون
لا تستغرب منهم شيئا...انهم داعشيون ظلاميون
عدد الردود 0
بواسطة:
زاهر
بينى وبينى وبعيد عن كونه سلفى او عفريت***معظم كلامه صح
العنوان بس هو اللى بيشد شويه لكن لو دخلت فى التفاصيل كلامه معظم كلام المصريين
عدد الردود 0
بواسطة:
مصرى
كلامه صحيح
فوق
عدد الردود 0
بواسطة:
نصر
اول مره اسمع كلام سلفى زى الفل
اقسم بالله كلام عشره على عشره ****هوه احنا ضيع عيالنا غير الدلع والمياصه ***وطلعه مع صحبى وعندنا جروب فى مارينا مع الانتيم بتاعى ***وهاى هانى **والحج عجه يبقى قاعد فى البيت وبنته قال ايه راحت تتفسح مع خطيبها ***الخ الخ****الراجل ده عشره على عشره
عدد الردود 0
بواسطة:
جمال
الساده المعهلقين برجاء قراءة الموضوع كله
متعلقش لمجرد العنوان
عدد الردود 0
بواسطة:
فتاوي السلفيين العجيبة
فتواك صح تماما يا شيخ ابو اسلم السلفي ... بارك الله فيك ...
المفروض يقول الخطيب لخطيبته خلال فترة الخطبة: انا باكرهك، وليس انا بحبك. وإذا خطيبته لم يعجبها ذلك يحق له ضربها على موءخرتها بشرط ان يكون ذلك امام والديها درءا للشبهات، والله اعلم ...
عدد الردود 0
بواسطة:
احمد الموجي
صح مايقولهاش بحبك ... يضربها بالجزمه اللي في رجله
صح مايقولهاش بحبك ... يضربها بالجزمه اللي في رجله
عدد الردود 0
بواسطة:
صعيدي
هذا ديننا وحق علينا طاعتة
سواء اعجب كلام هذا الشيخ البعض او لم يعجب فهذا ديننا وهذه تعاليمة شاء من شاء وابي من ابي فمن يأبي فحسابة عند ربه ولكن علينا ان نتمسك بتعاليم ديننا الحنيف والا ننساق وراء الغرب في كل شيء
عدد الردود 0
بواسطة:
العربي
احسن شىء موتها وانتحر علشان تكون فى السليم
وبلاها حياه لاصحاب ولا رحلات ولا واتسات ولا خطيبة ولا بلكونة - دائما المرأه نقطعة الضعف مثل الشيخ السلفى المضبوط فى سيارة مع حرمة اجنبية واكيد كان بيقول حرام -- يعنى مايقدر يطبق على نفسه ما يقولة للناس -- رحمتك يارب