ردت الفنانة رانيا يوسف، على الانتقادات التي وجهت إليها بسبب فستان ختام مهرجان القاهرة، مؤكدة أنه غير مقصود، وأن "بطانة الفستان" تحركت وسببت هذه الأزمة لأن الفستان بيشد "البطانة" .
وقالت "أنا مش صغيرة ومش غبية عشان أضيع مجهود السنين اللى اشتغلتها، وأظهر بشكل غير لائق زي ما اتكتب، والمواقف دي بتحصل لستات كتير".
وأوضحت "يوسف"، خلال مداخلة هاتفية ببرنامج"مساء DMC"، مع الإعلامية إيمان الحصرى،، أن :"قماشة الفستان الخارجية تختلف عن قماشة الفستان الداخلية، ومع الحركة القماشة الخارجية شدت البطانة، ومكنتش عارفة أتصرف، وأنا باشترى القماش مكنش فيه أى مشكلة، والموديل عادى واتلبس كذا مرة وكذا زميلة ارتدت هذا الموديل والمشكلة كانت فى خامة القماشة وبطانتها الخفيفة".
وواصلت :"أنا مش عبيطة ومش غبية عشان أضيع مجهود 25 سنة، وعندى بنات عرايس 18 سنة و15 سنة، ولم أقصد ما حدث، وهذا الظرف وضعت فيه دون إرادتى".
وأشارت إلى أنها واجهت مواقف غريبة من قبل، قائلة :" قبل كده السوستة كلها اتقطعت ووقفت لحد ما خيطوهالى على الهواء لتغطية ظهرى.. وأنا أريد أن أحافظ على شكلى واسم بلدى وولادي وأهلى، والفستان ماركة إيطالى وقمت بشرائه من دولة عربية، وأكيد مش قصدى أعرض ولادى وأهلى لما حدث".
عدد الردود 0
بواسطة:
أبو بدر المصري
12 يناير قرّب
ده مش عذر ، دي نصيحة محامي قبل موعد التحقيق والمحاكمة
عدد الردود 0
بواسطة:
جحا
خيري رمضان مرة قال قولته الشهيرة : "عندما تعجز ال أ..ا عن التعليق"
بطانة ايه اللي بتتكلمي عليها ؟ ده فستان "سي ثرو" يعني شفاف يمكن الرؤية من خلاله. ليس له بطانة و لا شفنا له بطانة و لا هو معموله اصلا بطانة, هي بطانة الشر حولك هم من اقنعوكي انك حتكسري الدنيا بهذا الفستان بس الدنيا هي اللي اتكسرت فوق دماغك.
عدد الردود 0
بواسطة:
اهبلاوى
حجة البطانة حجة بطالة ﻻنه تحت الشبكة فضيحة واضحة المايوه افصل منه
بطانة ايه بابطة واضح الاثارة المتعمدة لجذب وسائل الاعلام لتصوير صور فاضحة
عدد الردود 0
بواسطة:
جمال توفيق
خطأ ولكن
لا ننكر أن رانيا أخطأت ولكن السؤال هو : لو كانت نجمة أجنبية ممن ندعوهن لنتباها بها في مهرجاتنا هي من إرتدت هذا الفستان فهل سيكون رد الفعل نفسه من الأخوة جهابذة القانون ؟
عدد الردود 0
بواسطة:
جمال توفيق
تحذير
هذا التصرف الأرعن ورد الفعل المبالغ فيه من جانب من يغوون الشهرة ستصيب في مقتل سمعة المهرجان وسيعزف الكثير من النجوم العالميين عن الحضور وفي النهاية دار الأوبرا ليست الحرم الشريف
عدد الردود 0
بواسطة:
ميرفت
بطانه قليلة الاصل
بطانة قليلة الاصل ومش متربية العيب كله ع البطانة
عدد الردود 0
بواسطة:
mohamed
أبعدي أنتي بس عن أسم بلدك ؟
أنتي مرمغتي أسم بلدك فى الوحل ؟ لأنك تنتمي إليها ؟ الجميع يقول شوف المصرية ؟
عدد الردود 0
بواسطة:
عصام الجارحى
الفستان بيشد البطانة طيب ربنا يهدية
عيب كدة يا فستان متشدش البطانة تانى كحة كدة
عدد الردود 0
بواسطة:
عبد الله
بطانه من الأوزون
قوليلي بالله عليك هي البطانه خفيفه ولا القماش بيشد؟!!! بتقول لما اشترته كان عادي وطبيعي بس لما طلعت ع الهوا حصل ان البطانه خانتها والقماش شد 🌚🌚🌚🌚 انا مش فاهم اي حاجه!!! يكونش تأثير الغازات الدفيئه و الاحتباس الحراري أدي إلي تآكل طبقة البطانه؟!! يعني زي ما حصل لطبقة الأوزون كده.
عدد الردود 0
بواسطة:
عجوز
إستخفاف بعقول الناس وعيونها ؟؟!!
أي بطانة هذه التي تتحدثين عنها ؟؟!!.. إنها بطانة في خيالك .. أو أنها بطانة من السلك شدها حزام المغناطيس الذي تلبسينه ؟؟؟.. الإستخفاف بعقول الملايين يصحك عليك الجميع وأولهم بناتك .. إنت مش داخلة مسابقة سباحة والتقليد الأعمي مضر فهم لهم ثقافتهم ونحن لنا ثقافتنا وعرفنا ومن يحترمه بحترم ومن لم يحترمه يعاقب .