فى دعوى أمام محكمة الأسرة ومحضر بقسم الشرطة روى رجل تفاصيل معاناته على يد والدة زوجته وكيف أنه تعرض لتعذيب استمر 12 ساعة.
أحذر من الجنس الناعم.. تلك العبارة التى لم يتيقن الزوج من صدق معناها إلا بعد وقوعه ضحية فى قبضة زوجته ووالدتها محتجزا طوال 12 ساعة، يمارس ضده كل أنواع التعذيب عقابا له على - الهزار الثقيل - مع زوجته على حد وصفه، ليستيقظ من نومه بعد أن ظن أن الخلاف انتهى ويجد حماته تقف بالساطور على رأسه وتتوعده بالقصاص، وعندما استغاث بوالد زوجته تنصل منه قائلا:"مليش دعوة متجبليش الكلام".
وروى"إسلام .خ" فى محضر بقسم شرطة السيدة زينب ودعوى لإثبات نشوز زوجته أقامها أمام محكمة الأسرة بزنانيرى تفاصيل معاناته مع زوجته ووالدتها.
قال "إسلام" فى دعواه رقم 4120 لسنة2017: "رأيت زوجتى صدفة أثناء شرائها بعض أدوات التجميل من المحل الذى امتلكه ووقعت فى حبها وسألت عنها وتوصلت لأهلها عن طريق أحد الأصدقاء وخطبتها وخلال 7 أشهر هى مدة التحضير للزفاف لاحظت أنها حادة الطباع فظننت أن ذلك بسبب تربيتها المتشددة وصبرت بعد أن سرقت عقلى بجمالها".
وأضاف "إسلام":"لاحظت بعد الزواج سيطرت حماتى على حياتنا، و رفض زوجتى تنفيذ أى طلب لى قبل استئذان والدتها، وعندما اعترضت هددتنى حماتى بتطليق ابنتها منى وبهدلتى فى المحاكم بالقائمة التى بلغت قيمتها 100 ألف جنيه فلزمت الصمت وحاولت التأقلم".
وتابع إسلام:" كنت أقضى معظم وقتى فى العمل لتجنب الصدام مع زوجتى" الدلوعة"، التى لا تتحمل أى نقد أو كلام منى، وحماتى المقيمة بصفة شبة دائمة معنا، ومنعت أهلى من زيارتى بسبب خلافهم مع حماتى أثناء التحضير للزفاف".
وفى أخر خلاف مع زوجته قال إسلام:" دخلت فى وصلة هزار على تصرفات والدتها والتشابه الذى يجمعها بها، فغضبت وظلت تصرخ وطلبت الطلاق، فدخلت وتركتها لأرتاح بعد عودتى من يوم طويل بالعمل، وعندما استيقظت وجدت حماتى تنتظرنى بالساطور وظلت تسبنى وتتوعدنى وعندما حاولت طلب الشرطة ضربتنى بقطعة حديد على رأسى ففقدت الوعى وعندما استيقظت بدأت حماتى مسلسل تعذيبى الذى استمر 12 ساعة ثم تركتنى غارق فى دمى واستولت على كافة منقولات الزوجية.
وأشار المجنى عليه إلى أنه استجمع قوته وأتصل بأهله اللذين نقلوه إلى المستشفى وبعدما حرر محضر فوجئ بزوجته حررت محضرا واتهمته بسرقة منقولاتها، كما أحدثت حماته بعض الإصابات فى جسدها واتهمته بالتعدى عليها.
عدد الردود 0
بواسطة:
مهندس/ مجدي المصري _القاهرة ...
ميت خيبه على الرجالة الورق ...
جاي الحين تندب حظك على زواجك من واحدة أقل ما يقال عنها خضراء الدمم والتي حذرنا النبي صلى الله عليه وسلم من هذه النوعية وقال فأظفر بذات الدين تربت يداك ..اما أنت قاطعت أهلك بسببهم والنتيجة حماتك أصبحت المسيطرة وأنت ما إلا لعبة في يد أبنتها ..كنت فين من زمان يا سبع من ورق ؟؟ حلال عليك كل من حدث لك ..وأنصحك بأن تبدأ معها صفحة جديدة ولكن مع إثبات سيطرتك عليه وعلى حماتك ..مع العلم فاتك أن حماك من نفس نوعيتك بدليل لما أستنجدت به هرب وتعلل بحجج واهيه ..أرفض الطلاق وأطلبها في بيت الطاعة وإجعلها هي من تطلب الخُلع وتتعلم الأدب ..هل هذه هي الزوجة التي قال عنها النبي صلى الله عليه وسلم لو أُمرت للسجود لغير الله لأمرت المرأة أن تسجد لزوجها ؟؟ ولكن هنا للأسف الزوجة وأمها تضرب زوجها ..ميت خيبة على التربية وعلى الأمهات التي تحتاج لتربية ..والله لو بأيدي كنت علقتكم كلكم من أرجلكم مثل الذبائح ودورت ضرب فيكم كلكم وأنت أولهم ..
عدد الردود 0
بواسطة:
بوسي
احذر الحموات الفاتنات...
وتتريق عليهابتاع ايه ..كويس ضربتك بحديدة مش بالساطور ...دليل على طيبة قلبها .
عدد الردود 0
بواسطة:
محمد الاحمدي
يا خساره!!!!
من مجردما سردته فقط كان باين عليها من الاول ( الدلوعة) علي حد قولك- المفروض كنت اخدت موقف من الاول والنقط علي الحروف من لحسك جمالها- تستأهل- الحل دلوقتي اوعي تطلقها حتي تطلب هي الخلع وتترك لك كل شي وأرجو حسن الاختيار المره القادمه
عدد الردود 0
بواسطة:
عايده
( LOOK)
أنت غلطان لارتباط بهذة الجميلة الدلوعة........ لكن طالما جت الطوبة في المعتوبة......جرب تدلع حماتك و تظهر لها المودة ...لان السر عند زوجتك في رضي امها ....طبعا حد يتهمني بأرضاء الذل لة... ...لكن هذا الصنف ام ان ...تتخلص منة ...او .. تدلل علي قدر الاحتمال... لكن العند لا يولد اي نتيجة
عدد الردود 0
بواسطة:
ahmad
حد يتهور
كانت رقبتك هتطير يا معلم . تتريق علي امها . ادخل في قضية وارا قضية بقي
عدد الردود 0
بواسطة:
لت
هرمونات الذكورة زادت عند الزوجات بسبب قوانين الاسرة الظالمة - محدش يمضي على قايمة
قوانين الاسرة الظالمة بتساعد الستات على التنمر والنشوز. حماتك هرمونات الرجولة فيها عالية واتوقع اغلب الزوجات (بالطبع اللى بدون تربية) هرمونات الذكورة فيها بتزيد مع قوانين الاسرة الظالمة للرجل.
عدد الردود 0
بواسطة:
بنت مصرية
تستاهل !!
فيه مثل صعيدى بيقول , اللى يعمل ضهره قنطرة يستحمل دوس الرجلين !! حضرتك خضعت من البداية لهذه الزوجة اللى دلعها مرق وبايخ , وامها الدكتاتورة اللى بتتصرف فى زوجها وفيك وكأنكم عبيد اشترتهم من سوق النخاسة !! وقاطعت أهلك اللى هما لحمك ودمك وبقت حماتك وحماك هما اللى عايشين تقريبا عندك , وحضرتك أسير الجمال الفتان للزوجة !! وقايمة العفش ام 100 ألف جنيه !! لو مكنتش قاطعت أهلك كنتوا عرفتوا توقفوا نسايبك عند حدهم وكان زمانهم هما اللى بيتمنولك الرضا ترضى !! كنت جبت اهلك قعدوا عندك وقطعوا رجل حماتك المفترية وحماك ( شرابة الخرج ) من البيت , ولو مش عاجب بنتهم تحصلهم , وارفض تطلقها وقوللها عاجبك تعيشى معايا بما يرضى الله واهلك ميعتبوش بيتى كان بها مش عاجبك قدامك المحكمة روحى ارفعى قضية خلع !! انما حضرتك سكت وقبلت البهدلة والتحكم والأهانة , كان لازم توصل لأنهم يضربوك ويتهموك بالسرقة ويعملوا فيك اللى يعجبهم !!دلوقتى الزوجة بتتهمك بتبديد منقولاتها , ودى تهمة لو هى أصرت عليها هتتحبس فيها , فقدامك حل واحد , انك تصالح زوجتك وأهلها وتردها لبيتك ويا دار ما دخلك شر , لأنك دلوقتى لو رفضت تطلقها هتستمر هى فى القضية المتعلقة بأتهامها ليك بسرقة منثقولاتها , وممكن تسجنك , ووقتها من حقها تطلب من المحكمة تطليقها منك لكونك مسجون !! فهتبقى خسرت كل شىء , فيه أخطاء مينفعش تتصلح , منها خطأك ده !! اجمع اهلك واهلها وتوصلوا لحل يرجعلك زوجتك وتتنازل هى عن بلاغها اللى بتتهمك فيه بسرقتها , وبعدين ابقوا اتفقوا على سياسة للتعامل بينكم .
عدد الردود 0
بواسطة:
منين نجيب الصبر
بلاش عتاب لو كنت حبيبى--من العذاب أنا خدت نصيبى خدت نصيبى
متكلمنيش عن الحب --متفكرنيش بالضرب --لا حماتى هى حماتك وانا جسمى خلاص اتهد--ضحيت برجولتى علشانك--وكرهت الدنيا علشانك--أبدا مش هقدر أصلحك--ابعد خليك فى مكانك--انا بترجاك تستنى هناك تستنى بعيد علشان أرتاح علشان أرتاح--ياما قالت لى ايديك وهى بتضربنى استحمل شوية--ياما لسوعنى الساطور وانا بقولة ارحمنى يا عنية--لية بتضربنى لية --لية القسوة لية--انا اتجوزتك لية انتحرت لية -لية اتبهدل لية--لية اتهان لية --ودلوقتى اعمل اية اية اية--ويا ناس (منين نجيب الصبر)علية
عدد الردود 0
بواسطة:
مصري
بلطجه نسوان
نحن نعيش زمن البلطجه , للأسف نهايه كل خناقه زوجين اما : الخلع بهدوء او القتل بساطور او السجن بسوابق ودفع فلوس. انتهي زمن الحب والرومانسيه والاحترام . اقولها بالصوت العالي لا تخلفوا أولاد وتبهدلوهم معاكم . وقل وضاع العمر يا ولدي