أكد الدكتور على محروس، رئيس الإدارة المركزية للعلاج الحر والتراخيص بوزارة الصحة، أنه أصدر تعليمات إلى إدارات العلاج الحر بالقاهرة والمحافظات لتشديد الرقابة على العيادات والمستشفيات الخاصة لمنع إجراء عمليات ختان الإناث.
وقال رئيس الإدارة المركزية للعلاج الحر والتراخيص الطبية لـ"اليوم السابع"، إنه تم تشكيل فريق بحثى للكشف عن موقع مستشفى تبارك الأزهرى التى تضم أطباء يروجون لعمليات ختان البنات، مؤكدا أن المستشفى سيتم غلقها تماماً وإحالة طبيبها للتأديب.
وأضاف أنه سيتم فحص جميع أنشطة العيادات والتعرف على تاريخ كل عيادة ومستشفى لها سوابق ومخالفات لمراقبتها لمنع إجراء مثل هذه العمليات المحظورة بالقانون.
عدد الردود 0
بواسطة:
مجرد انسان
طيب ولو في البيت
مسألة تشديد الرقابة على العيادات الخاصه يعتبر ضربا من الخيال ... لان مصر مفهاش 14 عيادة علشان يتم المرور عليهم بصفه دورية.. مصر فيها محافظات كثيرة وكل محافظه فيها مئات العيادات واكثر .. وسؤال رفيع.. طيب واذا الطبيب اخذ الشنطه وفيها عدة الشغل واختتن البنت في بيتها... ماذا كيف تعرف وزارة الصحة؟!
عدد الردود 0
بواسطة:
طارق
تصدق تصريح مفيد
دى وزارة التصاريح ...يعنى دا اسمه عندنا فى الوزارة تصريح تحطه على شوية شطة وفلفل وتتغدى بيه ...حبيبى دا تم اختياره بناءا على كم التصاريح الذى يلقيه كل ساعة..هههههههههههههههه ياعم احنا بنحارب الارهاب وانت لسه عايش فى ختان البنات ههههههههههههههههههههههههههههه
عدد الردود 0
بواسطة:
بنت مصرية
مع الأعتذار !!
يا سيادة الوزير بداية انا بعتذر عن اللى هقوله , لكن معلش استحملنى وخليك واسع الصدر , عندنا مثل شعبى شهير بيقول , ابن جحا قاله علمنى الرزالة , قاله تعالى فى الهايفة واتصدر !! للأسف هو ده اللى سيادتك بتعمله بالضبط !! سيادتك مؤكد مواطن مصرى من أبوين وجدين مصريين , يعنى عارف زى ما كلنا عارفين ان الرقابة على ختان البنات شبه مستحيلة !! لأنها عادة متوارثة متأصلة لدى الشعب وللأسف تم ربطها بالدين , وعندما يتم ربط الموروث الشعبى بالدين تصبح مجرد مناقشة تغييره أو منعه تضييع وقت !! والدليل على ده انه بقالنا عشرات السنين بنهرى فى موضوع منع ختان البنات ومع ذلك فمازالت البنات بتختن فى كل حتة فى مصر !! انا مش ضد استمرار التوعية الصحية والدينية لمنعه , لكن انا ضد انه يبقى الشغل الشاغل لوزارة الصحة منعه !! هو اللى ملوش شغلة تشغله يفتح الباب ويقفله !! طيب سيادتك بتقول هتراقب العيادات علشان ميتمش فيها ختان البنات , طيب ولما يجرى الختان باعتباره جراحة تجميل , يعنى الطبيب يكتب تقرير يقول فيه ان البنت عندها تشوه واضح فى العضو التناسلى وتم اصلاحه جراحيا !! أو يقول ان البنت بتعانى من خراج متقيح فى العضو التناسلى وتم علاجه جراحيا !! ايه هتمنع الناس تعمل تجميل وتعالج الخراريج جراحيا !! يا سيادة الوزير انت عندك عشرات الألاف من العيادات أصلا شغالة بدون تراخيص وبتتعمل فيها كافة أنواع الجراحات بدون أية رقابة من أى نوع , هو ختان البنات اللى حبكت معاك تراقبه !! طيب وجراحات زراعة الأعضاء المباعة والمسروقة اللى بتتم ليل نهار فى كل حتة , وجراحات السمنة اللى بتتعمل لكل من هب ودب فى أى حتة , وجراحات القدم السكرية اللى بقت سبوبة الجراحين وبتتعمل فى أى حتة حتى فى بيوت المرضى !! ومشكلة نقص الأدوية والتجهيزات الطبية فى المستشفيات اللى خلت بعض المستشفيات مفيهاش حتى أدوات الأسعاف الأولى !! وبيع الأدوية غير المرخصة من جميع الأنواع فى العيادات والمراكز الطبية والصيدليات المغمورة وأحيانا المشهورة !! والأدوية المغشوشة اللى بتتباع باعتبارها الأصلية ويفضلوا المرضى يبلبعوا فيها بدون أى نتيجة وأحيانا بمضاعفات قاتلة !! والنفايات الطبية الخطرة اللى بترميها العيادات والمراكز الطبية الغير مرخصة فى أى مقلب زبالة عادى جداااا بمنتهى البجاحة , يعنى شغالين بدون تراخيص وكمان بيرموا نفاياتهم الخطرة فى الشارع عادى جدااا هو حد دارى بحاجة !! وغيرها وغيرها من المشكلات القاتلة اللى الناس يا عينى بتهاتى وتصرخ علشان حد يسمعهم ويحاول يلاقيلها حل , سيادتك سبت كل ده وبقى مشروعك القومى هو الرقابة على العيادات علشان متختنش البنات !! وللا علشان المنظمات الحقوقية وجمغيات المرأة والمنظمات الدولية الفاضية بتصرف على الكلام ده كويس , لكن محدش منهم مستعد يناقش قضية اختفاء أدوية السرطان والفشل الكلوى أو غش المضادات الحيوية وأدوية الحكة !! يا سيادة الوزير عاوز تمنع ختان البنات , اقنع الناس انها متختنش بناتها , لو تجريم الختان هيمنعه , كان تجريم المخدرات منعها !! ارحمونا يرحكمكم الله !!