دافعت الفنانة فيفى عبدة، عن موقفها فى مساندة المنتخب المصرى فى كأس العالم فى روسيا، بعد "صفر المونديال"، قائلة :"ربنا عاوز كدا.. واللى حصل مش ذنبنا، وأنا ست وطنية وبحب بلدى، والدم اللى فى جسمى مصرى، وكان كفاية كدا على المدرب العجوز اللى اسمه كوبر، وأن يستعينوا بالشباب".
وقالت خلال حوارها ببرنامج "العاشرة مساء" الذى يقدمه الإعلامى وائل الإبراشى، عبر فضائية "دريم"، إنها لأول مرة تشاهد اللاعبين على الطبيعة كان فى روسيا، معقبة أنها ستكون المرة الأخيرة لها أيضًا.
وواصلت :"والله من كتر السلالم اللى طلعتها طفحت الدم، وقلبى وجعنى وكان نفسى أروح، ومقولناش لحد خدنا عشان نشجع، وفى الآخر لبست العمة"، معتبرة أن هناك مبالغة فى الهجوم عليها.
وتابعت :"مش ذنبى اللى حصل.. وأنا مبحبش الكورة، بس بحب اللعبة الحلو، وكنت رايحة أشجع بلدى، وكنت أقرأ القرآن للمنتخب".
