أرسلت القارئة الدكتورة ريهام عطية من مدينة الزقازيق، عبر خدمة صحافة المواطن، شكوى مصورة لحادث مرورى تسبب فيه سائق ميكروباص.
وأضاف القارئة فى رسالتها قائلة "حادثة حصلت النهارده فى الزقازيق على طريق بلبيس القاهرة عند مزلقان الحسنية التانى قصاد كافتيريا المصطبة سواق ميكروباص كان ماشي بسرعه غريبه خبط اتنين بيعدوا الطريق قبل المزلقان واصابو ودخل في صندوق القمامة ،وحاول يجري بسرعه دخل في نص رصيف المزلقان وخبط توكتوك اتقلب والسواق كان بينزف من كل حته، الإسعاف اخدته كان بيطلع في الروح وسواق الميكروباص كدمات بسيطه ".
وتابعت "اللى شفته بقى بعيني أن السواق ده الناس كان بيضربوه هو كان مش طبيعي كلامه ولا حاسس بالضرب والناس كمان قالوا انه واخد حاجه وشارب المهم ياجماعه الناس الي بتركب سرفيس والتكاتك إلى بتمشي مخالف يخلو بالهم السواق طبيعي ولا لا عارفه انه صعب بس نحاول ولو بعد ماركبتو لقيتو سواقته متهوره نطلب ننزل ربنا يحفظنا جميعا يارب ".
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
