شيتوس يكشف تفاصيل الساعات الأخيرة لـ ثابت البطل مع جوزيه

كشف وائل رياض شيتوس، المدرب المساعد للمنتخب الأوليمبى ونجم الأهلى الأسبق، كواليس الساعات الأخيرة فى حياة ثابت البطل نجم القلعة الحمراء الراحل.

وتحل اليوم، الخميس 14 فبراير، الذكرى الرابعة عشرة لرحيل ثابت البطل والذى توفى يوم 14 فبراير عام 2005.

وكتب شيتوس، الذى يرتبط بعلاقة نسب مع الراحل ثابت البطل، تفاصيل الساعات الأخيرة فى حياة حماه عبر صفحته الشخصية على فيس بوك قائلا، "قبل ما يتوفى كابتن ثابت البطل كان عندنا ماتش مع الزمالك وكنا فى معسكر قبل المباراة بثلاثة أيام فى 6 أكتوبر "

وأضاف شيتوس، "ودار الحوار ده بين جوزيه وثابت.. 
جوزيه: خليك فى الفندق يا ثابت الدنيا برد جداً عليك وأنت تعبان. 
ثابت: لأ انا لازم أبقى موجود مع الفريق أثناء التمرين. 
جوزيه: مينفعش الدنيا هنا مفتوحة والهوا شديد عليك. 
ثابت: طيب خلاص هتفرج على التمرين من الأوتوبيس. 
وفعلاً طلع كابتن ثابت الأتوبيس وقعد يتفرج على التمرين ورفض يروح الفندق. 
 

يوم المباراة: 
جوزيه: يا ثابت من فضلك روح البيت اتفرج على الماتش فى التليفزيون 
ثابت: لأ دى مباراة مينفعش أبقى مش موجود 
جوزيه : إنت كده هتتعب 
ثابت: لو مشيت هتعب أكتر 
وجلس ثابت البطل على الدكة وشارك الفريق انتصاره على الزمالك، وكانت آخر لحظاته أثناء إعطائه درساً فى الإخلاص والعطاء لآخر لحظات حياته. 

وائل رياض عبر فيس بوك

ويٌعد ثابت البطل حارس الأهلى الأسبق من أبرز الحراس فى تاريخ القلعة الحمراء فى ظل البطولات والألقاب التى حققها مع الفريق الأحمر خلال مسيرته فى الملاعب والتى وصلت إلى 25 لقبًا وبطولة.