عرض الإعلامى نشأت الديهى تغريدة الكاتب الصحفى خالد صلاح رئيس تحرير ومجلس إدارة "اليوم السابع" التى فضح خلالها الهارب أيمن نور، وألمح إلى تاريخه الأسود المبنى على التزوير والتدليس والعمل ضد مصلحة البلاد.
وأكد "الديهى"، خلال تقديمه برنامج "بالورقة والقلم"، المذاع عبر فضائية "ten"، أن الكاتب الصحفى خالد صلاح ذكر أيمن نور بما أراد أن ينساه، وتابع: "ذكره بما أراد أن يطمسه الهارب.. وقال له أنت تافه يا أيمن وسطحى وضحل".
وتابع الديهى، "خالد صلاح" قال له: "كذاب جداً يا أيمن.. وكذبك مش مفاجئ الحقيقة.. كلنا عارفينه من زمان.. لم يحدث مطلقاً أن نجيب ساويرس منع لك حلقة فى القناة خلال فترة عملي فى otv وده بالمناسبة قبل 25 يناير خلال حكم مبارك.. الحقيقة إنك كنت محل احتقار المحطة بعد اللى حصل مع جميلة إسماعيل واللى حصل فى بيتك، هذا أولاً، نجيب ساويرس وجه المحطة من بدايتها لاستضافة معارضين أقوى منك وأشرف منك قبل وبعد يناير، أنت سمعتك كانت بتخلي الناس تتكسف تجيبك فى حتة، وأظنك فاكر لما اتحايلت عليا تيجي الجورنال واتعاطفت معاك فى نفس التوقيت عشان أساعدك فى أزمتك العائلية، وطلبت إني ماخدش حاجة من جميلة إسماعيل خالص".
واستكمل قائلاً: "إنت يا أيمن يا نور عشان بتاخد تعليماتك من ظباط مخابرات قطريين وأتراك مفكر إن كل الناس زيك.. اللى زيك لازم يخجل من إن مرتبه بيتصرف من أجهزة مخابرات معادية لبلاده.. مال حرام ليك ولولادك وبيتصرف على الحرام".
