أنا بحبك أنا موجود سكنت قلبى اللى مالهش حدود
عشقت قربك أنا مسنود والفوز بحبك أنا موعود
شمسك بتشرق جوه العيون والفراق ما بينا يهون
نهر حبنا يجرى جوه القلوب ويدوب قلبى بنظرة العيون
وبلمسة منك تزيح الهموم وتحيى بكره وتحلى اليوم
رفيقى فى ليل النجوم وصديقى و شمسى فى نهار الغيوم
أنا بحبك أنا معشوق وقلبى بحبك طاير فى السما فوق
بهمسة تطمين القلوب وبنظرة تشعل نار الحنين والشوق
ومن كتر الدمع جفت العيون وبحبك آلمى عليا يهون
بحبك حبيبى وعمرى ليك ودا الفرح بقربك مضمون
دا أنا من كتر فرحى بكيت وبحبك على أوتار العود غنيت
لو لاقيتنى فى يوم غنيت اسمع غنايا دا أنا خلاص حبيت
وأنا بحبك أنا موجود وعلشان حبك عديت آلاف القلوب
وحبك عليا مكتوب وكاس الشوق والعشق جوايا مسكوب
ياللى دخلت القلب ودخلت الحب معاك وفتحت للنور أبواب
وخليت حياتى بعد السواد ألوان لو قلت عاشق مش كداب
ودخلت قلبى مدرسة الحب علمته إزاى يشتاق إليك عن قرب
وحصنت قلبى بحبك وعملت بين قلبى وقلبك لينا درب
وأنا بحبك أنا مجنون وروحى بحبك ترفرف فى السماء
كلمة حبيبى كلها أشواق تعطى القلب حياه دا مش مجرد نداء
أنا كنت معلق بين الحياة والموت وبحبك كسرت تبوت الموت
وخلعت عن قلبى توب الأحزان ونهيت حالة الحداد والسكوت
وجعلت حبك فى قلبى يدوم وأنا أحبك غدا وأحبك اليوم
ورسمت الفرحة فى قلبى بعد وجع الآلام و نورت بحبك بعد الغيوم
وخليت قلبى يقول أنا بحبك أنا موجود
