فى سكة الحبايب مشيت مشوار طويل
و لسة الحب غايب و كأنه مستحيل
العمر عمال يسابق فى حلمى عالطريق
و القلب مش مصدق أنى بقيت كبير
مشاعره لسة عايشة رغم النار و الحريق
و الدنيا أديها ماشية و لعله يارب خير
اليأس بيروح و ييجى زى الليل و النهار
و الوضع مش بأيدى ولا ليا فيه اختيار
و الحب مسيره ييجى و يا شمس النهار
يجرى فى وريدى و القلب يشوف عمار
مشتاقله أمتى ييجى و الليل يلاقيله جار
قمر و أقول حبيبى بعد طول انتظار
يا حب أمتى تيجى د أنا نفسى أعيش معاك
و الفرح يملى قلبى و أتهنى فى هواك
د القلب مشتاق لضحكة يضحكها معاك
و يسافر فى أحلى رحلة ويا نسيم هواك
