عاصى الحلانى:"المشاركة فى الندوة التثقيفية للقوات المسلحة أشعرتنى بالاعتزاز"

أعرب النجم اللبناني عاصى الحلانى، عن سعادته للمشاركة في الندوة التثقيفية للقوات المسلحة، مؤكدا أنه يشعر بالمجد و الاعتزاز، وكتب عاصى، عبر حسابه على إنستجرام، قائلا:" سررت بالمشاركة اليوم بالندوة التثقيفية للقوات المسلحة بمناسبة الذكرى 37 لانتصارات أكتوبر المجيدة بأغنية خاصة لمصر هى ايوه يا مصرين بحضور سيادة الرئيس عبدالفتاح السيسي ونخبة من ضباط الجيش المصري كانت مشاركة مليئة بالعنفوان والمجد والاعتزاز في هذه المناسبة العظيمة".

عاصى الحلانى

وقدم الرئيس عبدالفتاح السيسى، الشكر لأسرة مسلسل الاختيار، قائلا: "الشكر ليكم مش على الجهد اللى بذلتوه، على الفكرة اللى قدمتوها كانت رائعة وعظيمة، وعاوز أقولكم أن احنا خلال سنين كتيرة من تناول إعلامى لموضوعات بتتم فى سيناء لم تصل للناس لنفس المستوى اللى انتوا فى خلال الشهر ده قدرته توصلوه".

وأضاف الرئيس خلال تكريم أسرة مسلسل الاختيار، خلال الندوة التثقيفية الـ 32 للقوات المسلحة، :"المطلوب كتير قوى لان احنا دلوقتى موجودين وانتم عايشين اللحظة اللى بتحصل فى سيناء وحجم الإنجاز اللى ربنا ساعدنا فيه وكنا فين فى 2012 وبين دلوقتى، وبالتالى حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا،  يشوفوا أد ايه مصر قدمت، لان "المنسى" واللى زيه هما عند ربنا خلاص وربنا سبحانه وتعالى اللى هيجازيهم، لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللى انت قدمته فيه أسر فقدوا وافتقدوا أبنائهم أو حتى أصيبوا فبرضه هيعيش مع إصابته طول عمره".

وأكد الرئيس، أن المسلسل كان صورة رائعة لواقع عشناه وبنعيشه وتمن دفعته مصر وابنائها سواء للفكرة الخبيثة اللى بيحاولوا ينشروها، أو للناس اللى بتقدم نفسها لأجل أنها تحمى بلدها من الناس دي.

وأشار الرئيس السيسى إلى أن تقديم الشخصيات المتطرفة لا يمكن أن ينال من الفنانين قائلا: "الفكرة اللى اتقدمت عمرها ما تنال من شخصيتكم، أنت قدمت قضية تتسم بالسلبية والعدوانية، لأ، انت جسدت شخصية حالة نجاحك فيها وصلت الفكرة للناس، اد ايه الفكرة خطيرة ومدمرة لبلادنا".