تحلم الكثير من الفتيات بارتداء فساتين أميرات ديزنى من سندريلا لسنو وايت وياسمين وغيرهن من الأميرات، ولكن للأسف هذه الإطلالات الرقيقة والفاخرة أحيانًا لا تناسب الحياة اليومية بتفاصيلها من عمل أو خروج مع الأصدقاء فضلاً عن المشى بالشوارع والمواصلات. إلا أن كريستين عاطف نجحت فى حل هذه المعادلة الصعبة، وحولت إطلالات أميرات ديزنى الشهيرة إلى أزياء كاجوال عصرية تناسب الحياة اليومية.
سنو وايت
كريستين
تحدثت كريستين عن بداية رحلتها مع مجال الأزياء وتنسيق الملابس، فقالت لـ" اليوم السابع"، أنا خريجة إرشاد سياحي، و كنت بشتغل في مجال السياحة، لكن مع الوقت اكتشفت إنى بحب أنسق الملابس مع بعضها، وكتير من صحابى كانوا بيشكروا فى ذوقى فى اختيار الملابس، وده شجعنى أخد كورس فى مجال الستايلست والفاشون وبدأت أتفرج وأقرأ أكثر فى المجال ده، بتفرج وأشوف إزاي "البلوجرز"، بيلبسوا وأبتكر تصميمات أحسن وأفضل".
صورة أخرى
ميكى ماوس
وأضافت :"لاحظت فى الفترة الأخيرة إن معظم "البلوجرز "مهتمين بترند ديزني، ففكرت أكون مختلفة عنهم وأحول فساتين أميرات ديزنى للكاجوال"، ممكن تلبسه أى بنت، ولأنى بحب الشوبينج وبشترى هدوم كتير وألوانها مختلفة، فكان سهل عليا إنى ألبس كاجوال بنفس ألوان فساتين الأميرات ".
سمكة دورى
وعن رد فعل متابعيها على مواقع التواصل الاجتماعى، قالت كريستين :" البنات والولاد كانوا معجبين جداً بالصور والستايل و شجعوني إني أكمل و ده شجعنى إنى أعمل شخصيات كرتونية تانية غير الأميرات، فقلدت ملابس السمكة دوري وبطوط، وده خلى أمهات كتير تشجعنى، عشان ولادهم كانوا فرحانين أوى بالستايل ".
تحويل ملابس شخصيات كرتونية لملابس كاجوال
سندريلا
أحلام كريستين ليس لها حدود، وتسعى لتصل إلى أكبر عدد من الجمهور لتحاول تثبت موهبتها، فى مجال الفاشون وهذا ما أكدته فى نهاية حديثها، قائلة :"ناويه إن شاء الله أنزل بفكرة جديدة الفترة الجاية و هفضل مكملة فى مجال الفاشون و الستايلنج لحد ما أقدر أوصل لممثلين كبار و ليهم اسمهم".
أميرة ديزنى
بطوط
تحول فساتين أميرات ديزنى
