علق الإعلامى وائل الإبراشى، على إصابته بفيروس كورونا قائلا: "الحمد لله إن شاء الله محنة وهتعدى.. وهى نفس أعراض الأنفلونزا أخدتها على أنها كورونا.. ولازم نتعامل على أنها كورونا.. والتفكير السريع أفضل فى التشخيص.. وهتعامل مع البروتوكول وهشوف العلاج وهننتصر عليه إن شاء الله".
وتابع الإبراشى خلال مداخلة هاتفية لبرنامج التاسعة المذاع على قناة مصر الأولى تقديم الإعلامية القديرة نجوى إبراهيم: "تحليل الدم أثبت أنه كورونا.. وبدأت خفيفة وخدتها بجدية وكل ما نكسب الوقت بيبقى أحسن.. وبتعامل مع المرض أنه محنة.. وبتعامل معاها بإيجابية.. وابتعادنا على شغلنا اليوم صعب جدا.. ولكن إن شاء الله هننتصر على الفيروس".
وأكمل الإبراشى: "طبيعة شغلنا بنقابل ناس كتير.. سواء فى المشاكل اليومية أو المواطنين.. وبنقابل عدد كبير من الشخصيات ومش عارف جات من فين؟.. وفيه ناس بتعتقد أنك لما تتعاملى بسلام كورونا إن ده إهانة.. وبعض الضيوف فى الاستديو بيزعلوا لما بعاملهم من بعيد.. وأكيد فى خلل ما أو إهمال".
وواصل الإبراشى: "طالما أصبت فلم أتمكن من تأمينى تأمين كافى.. ومش قادر على الابتعاد عن الشغل ومتابعة الأحداث.. وبتاخد أيام، وإن شاء الله متكونش كتير ونتغلب عليها.. وباخد العلاج فى البيت.. ومش عندى آلام كبيرة، وحاليا حرارة جسمى طبيعية.. وهناك تكسير بسيط، والحرارة ببتغير كل شوية".
وائل الابراشى
وائل الإبراشى
