قال المنتج جمال العدل رئيس شركة العدل جروب احنا جزء من المجتمع وما يجرى على الناس يجرى علينا وقبل أن تصرح النقابة بقراراتها، قدر المستطاع كل الناس بتحاول الحفاظ على أكل عيشها وكلنا بنحاول نعقم آلاتنا حفاظا على حياتنا على الأقل.
وأضاف خلال مداخلة هاتفية مع الإعلامية لميس الحديدى ببرنامج القاهرة الآن على قناة الحدث: انا متغاظ جدا من الناس اللى ماشية في الشارع وكأن مافيش أي حاجة ولا كورونا، الناس بتخرج كان ما فيش موضوع الدولة بتعمل كل جهدها علشان تحتوى الموضوع واحنا بنتعامل بعدم نضج غير مفهوم، انا مش شايف الناس واخدة الموضوع بالجدية الكافية، انا أستطيع الحفاظ على اللوكيشن بتاعى واحنا كوسط سينمائى قدر المستطاع مقللين المجموعات والمطهرات موجودة ف كل حتة، بنعقم الأماكن اللى بنروحها والباقى على ربنا لكن لا قدر الله لو حصل حاجة احنا زينا زى طوائف المجتمع.
وتابع: يبقى في الأخر عاداتنا كمصريين في السلام والبوس والاستخفاف بالفيروس يا عم كورونا ايه وبتاع ايه، لكن حتى هذه اللحظة احنا ماشيين كويس احنا وغيرنا ونتمنى من الله انه يعديها على خير
